ଦୁହିତା

ଜଳି ଯାଉ ସବୁ ସ୍ମୃତି

ସମୟର ଶିଖା ଦେଇ

ବାକି ଯାହା ଅନାବନା

କିଛି ଆବଶ୍ୟକ ନାହିଁ।

ସେ ଶିଖା ଆଲୋକେ 

ପ୍ରଜ୍ବଳିତ ହେଉ ତୁମ ଭବିଷ୍ୟତ

ଲିଭି ଯାଉ ସେ ଅତୀତ

ଯାହା ତୁମ ପାଇଁ କଳଙ୍କିତ।

ହଜି ଯାଉ ସେସବୁ 

ଯାହା ଦେଇଥିଲ ନେଇଥିଲ

ଭୁଲି ଯାଅ ତୁମେ 

କେବେ କାହାକୁ ପାଉଥିଲ ଭଲ।

ଛାଡ଼ି ଦିଅ ସେ ଅଭ୍ୟାସ ସବୁ

ଯାହା ମୋତେ ଭଲ ଲାଗେ

ଜାଣିଥାଏ କଷ୍ଟ ସିଏ

ଯିଏ ବିରହ କୁ ଭୋଗେ।

ଗଢ଼ା ହେଉ ପୁଣି ତୁମ

ନୂଆ ସମ୍ପର୍କ ନୂଆ ଭବିଷ୍ୟତ

ଦୁହିତା ହୁଅ ତୁମେ

ଯାହା ହେବ ଦୁଇ କୂଳକୁ ହିତ।