ଦଶହରା

ଦଶହରା ଆସିଅଛି: ନୀଳତିମିର ମହାମୋହଭରା

ଆକର୍ଷଣରେ ପିଲାଙ୍କ ଅପମୃତ୍ୟୁରେ

ଆସନ୍ନ ପ୍ରସବା ମହିଳାଙ୍କ ଅକଥନୀୟ ଯାତନାରେ

ରୋଗିଣା ନିରାମୟରେ ଅସୁସ୍ଥ ଚିକିତ୍ସା ଚକ୍ରରେ

ଦଶହରା ଆସିଅଛି:

ବୈଷୟିକ ଛାତ୍ରଙ୍କ ବିଷଭରା ଅପରାଧରେ

ନୀଳ ଜହରର ଅବାଧ, ଅନାକାଂକ୍ଷିତ ପ୍ରସାରରେ

କ୍ରମବର୍ଦ୍ଧିଷ୍ଣୁ ପରକୀୟା ପ୍ରୀତି ଓ ବଳାତ୍କାରର

ନୀଳବଳୟରେ

ଦଶହରା ଆସିଅଛି: କରୋନା କ୍ଷତ ଓ କ୍ଷତିରେ

ମଝିର ଅଭିବୃଦ୍ଧି ହାରରେ- ଆର୍ଥିକ ଉଦବେଳନରେ

ବସ୍ତୁ ଓ ସେବା ଜରର ଅପରିହାର୍ଯ୍ୟ ପ୍ରବର୍ତ୍ତନରେ

ଦଶହରା ଆସିଅଛି: ଲ୍ୟାଟଖୋର ପ୍ରଶାସକଙ୍କ ସଂଖ୍ୟା

ବହୁଳତାରେ ପରସେଣ୍ଟଜ୍ ରାଳରେ

ଫକିଳ, ପ୍ରଦୂଷିତ ଶାସନ ବ୍ୟବସ୍ଥାରେ

ସର୍ବତ୍ର ପରିବ୍ୟାପ୍ତ ଦୁର୍ନୀତିର ଲମ୍ବା ଚେରରେ

ଦଶହରା ଆସିବ:.

ନୀତିକୀତି ଯୁକ୍ତ ସମାଜବ୍ୟବସ୍ଥାର ଇନ୍ଦ୍ରନୀଳ ସ୍ଵପ୍ନରେ

ସ୍ଵଚ୍ଛ, ପାରଦ, ଉତ୍ତରଦାୟୀ କର୍ମସଂସ୍କୃତି ଭରା

ପ୍ରଶାସନରେ

ବ୍ୟବସ୍ଥାର ବିବର୍ତ୍ତନରେ ପରିବର୍ତ୍ତନର ସୁନେଲି ସ୍ୱରରେ ।