**ଦରଦ **

ସରିଗଲା ଆଜି ରାସନ

     ବାଇକିରେ ଯାଉଥିଲି ବଜାର,

ବାଟେ ଛେକି ପୁଲିସି ବାଲା

     ବିନା ପୁଛି ଦେଇ ଦେଲା ପାହାର ।

କହିଲା ଆରେ ଲଫଙ୍ଗା

     ଛତରା ବୁଲୁଛୁ ନାହିଁ ଟିକେ ଡର,

ତୁ ତ ମରିବୁ ମରିବୁ

     ଅନ୍ୟକୁ ମାରିବା କରିଛୁ ବିଚାର ।

ନିଶ ମୋଡି ପୁଲିସ ବାଲା

     କହେ ମୂର୍ଖ ନ୍ୟୁଜ ଦେଖୁନୁକି ରେ ,

ଲକଡାଉନ ହେଇଛି ପରା

     ସାରା ଆମ ଭାରତ ବର୍ଷରେ ।

ଫେରିଯାଆ ତୁ ଏହି କ୍ଷଣି

     ଯଦି ଆଶା ଅଛି ଜୀବନରେ ତୋର ,

ଭୁଲିଗଲି ସେହି କ୍ଷଣି

     ମୁଁ କିପାଇଁ ଯାଉଥିଲିଟି ବଜାର ।

ଲାଜରେ କାନ୍ଦି ପାରୁନି

     ଦେଖାଇ ପାରୁନି ଦାଗ ମୋ ପିଠିର ,

ସ୍ତ୍ରୀ ଦେଖି କହିଲା ଏତେ

     ଶ୍ରୀଘ୍ର ଆସିଲ ବନ୍ଦ ଅଛି କି ବଜାର ।

ବୁଝିଗଲା ସ୍ତ୍ରୀ ମୋ ଦେଖି

     ମୋର ବିକୃତ ବଦନ ଓ ଶରୀର ,

ନିଶ୍ଚୟ ସ୍ଵାମୀ ମୋର

     ପାଇଛି ଉତ୍ତମ ମଧ୍ୟମ ପୁଲିସର ।

ଖଟରେ ଶୁଆଇ ଶେକ

     ଯେମିତି ମଲମ ଲଗାଇଲା ମୋତେ,

ଛଟଛଟି ଚିତ୍କାରିଲି

     କଣ କରୁଛ ପ୍ରିୟେ ମାରିବ କି ମୋତେ ।

କହିଲି ଶୁଣିଲନି ମୋ

     କଥା ଉଡାଇଲ ଏ କାନୁ ସେ କାନେ ,

ପାଟି ସ୍ୱାଦେ ଦୌଡିଥିଲ

    ପିଠିରେ ପୁଲିସି ଦେଇଦେଲା ପାନେ ।

ଆଉ ଯିବନି ବଜାର

    କେବେ ନାଁ ବି ଜମା ନେବନି ତୁଣ୍ଡରେ,

ଯାହା ଅଛି ସେଥିରେ ହେ

    ଖାଇ ଦେବା ଲୁଣ ମରିଚ ସାଙ୍ଗରେ ।