ଦୋଷ କଣ ?

ମୁଁ ବସୁ ,ବସୁଷେଣ ,

କର୍ଣ୍ଣ ; ସୂତ ପୁତ୍ର ।

ରାଧା ମାଆର ନୟନ ପିତୁଳା, 

ଜ୍ୟେଷ୍ଠ ପୁତ୍ର ରାଧେୟ ।

ଅଙ୍ଗ ରାଜ 

ବିଶାଳ ଅଙ୍ଗର ରାଜା

ଯାହା ମୋତେ ଦୟା ସୂତ୍ରରେ ।

ଜଗତ ଘୋଷେ ଦାନ ବୀର ମୁଁ

କୌଣସି ମାଗିଲା ବାଲା ଖାଲି ହାତରେ

ଫେରି ନାହାନ୍ତି କେବେ ମୋ ଦୁଆରୁ

ସେଇଥିପାଇଁ ତ

ଇନ୍ଦ୍ର ଛଳ କରି ମାଗି ନେଲେ

କବଚକୁଣ୍ଡଳ ।

ସୂର୍ଯ୍ୟ ପୁତ୍ର କର୍ଣ୍ଣ 

ଶୁଣିଥିଲି ଯାହା ବହୁ ବିଳମ୍ବରେ।

ରାଜମାତା କୁନ୍ତୀଙ୍କ କାନୀନ

 ଅବୈଧ ସନ୍ତାନ,

 ପ୍ରଥମ ପାଣ୍ଡଵ ମୁଁ କୁଆଡେ।

ମୋର ଶୌର୍ଯ୍ୟ ବୀରତ୍ୱ

ସବୁ ତ ଥିଲା

ହେଲେ ମୁଁ ଅବହେଳିତ କାହିଁକି ?

କାହିଁକି ଅବୈଧ ଷ୍ଟାମ୍ପ ମୋ ଦେହରେ ?

ମୋ ସହ ଛଳ,ପ୍ରତାରଣା ସମସ୍ତେ ମିଶି

କାହିଁକି କଲେ ?

ମୋର ଦୋଷ କଣ ?

Satyabati swain, balikuda, jagtsinghpur