ଦୀପାବଳି

ଆଲୋକର ଏହି ଉଜ୍ଜ୍ୱଳିତ ପର୍ବ 

କଳା ଅନ୍ଧାରକୁ କରିବ ଦୂରୀଭୂତ 

ଫେରିବେ ଅଯୋଧ୍ୟାର ସତ୍ୟ 

ରାଜ୍ୟ ସେଥିପାଇଁ ଖୁସିବାସ ||

ଅନ୍ୟାୟ ଚାଲିଥିଲା ଅଧର୍ମ ଜିଣୁଥିଲା 

ଧର୍ମ ଖାଲି ନ୍ୟାୟ ମାଗୁଥିଲା 

ନ୍ୟାୟର ବିଚାର ଧର୍ମ କରିବ 

ଫେରୁଛନ୍ତି ଯେହେତୁ ନ୍ୟାୟର ପୁରୁଷ ||

ଆଲୋକ ରୋଷଣିରେ କରି ଦୀପ ପ୍ରଜ୍ଜୁଳିତ 

ସ୍ୱାଗତ ପାଇଁ ଜନ କରୁଛି ରାଜ୍ୟ ସର୍ଜ୍ଜିତ 

ଆସିଛି ସେ ଶୁଭ ଉଜ୍ଜ୍ୱଳିତ ଦିନ 

ଖୁସିରେ ସହର ଗ୍ରାମ ପଡୁଛି ଚହଳ ||

ଜୀବନ ଖୋଜୁଛି ନିଜର ସ୍ବର୍ଗୀୟ ଲୋକ 

ମନରେ ରଖି ପରମାତ୍ମା ବଡ଼ବଡୁଆ ଡାକ 

ପିତୃପୁରୁଷଙ୍କ ସହ ହୋଇଣ ଭେଟ 

ନିଜର ଖୁସିକୁ କରୁଛି ଦିଗୁଣିତ ||

ସ୍ବର୍ଗୀୟ ଆତ୍ମାର ଯନ୍ତ୍ରଣା କରି ଦୂରୀଭୂତ 

ଭରିବେ ଚିତ୍ତରେ ଆଲୋକର ଶାନ୍ତି ଭାଷା 

ଦେଖି ଶୁଣି ଏହା ଆତ୍ମା ହୋଇବ ଖୁସି 

ହୃଦେ ତୃପ୍ତି ଭରି ଯିବେ ସ୍ୱର୍ଗପୁର ଫେରି ||

ପାତାଳରୁ ବଳି ମହାରାଜା ଆସି ଏହି ଦିନ

ଲକ୍ଷ୍ମୀ ଭଗିନୀଙ୍କ ଜୀବନ କରିଥିଲେ ଆଲୋକିତ 

ସିଂହବାହିନୀ ମା'କୁ କରିବାକୁ ଶାନ୍ତ 

ମା' କାଳୀଙ୍କ ପୂଜା କରାଯାଏ ଏହି ଦିନ ଆୟୋଜିତ ||

କାର୍ତ୍ତିକ ମାସର ଅମାବାସ୍ୟା ଦିନ 

ଏହି ଦୀପାବଳି ଦିନ ପଡେ ଜାଣ 

ତେଣୁ ଆସନ୍ତୁ ଏକାଠି ହୋଇ ଜାଳିବା ଦୀପ 

ଆଉ ଆଲୋକରେ ଜିଣିବା ଅନ୍ଧାରର ଅନ୍ୟାୟ ଭୟ ।।