ଲାଇବ୍ରେରୀ
ପ୍ରୋଫାଇଲ୍
ଦେଉଛି ଆଶିଷ ବାଢ଼ି
ଦେଉଛି ଆଶିଷ ବାଢ଼ି
1 min
410
ଭୁଲିଯିବୁ ମୋତେ ଭୁଲିଯିବୁ ମନୁ
ଯାଉଛି ଆଜି ମୁଁ'ଚାଲି
ଅତୀତର ସ୍ମୃତି ମନୁଦେବୁ ପୋଛି
ଅଳିକ ସପନ ବୋଲି।
ଏ'ଗାଆଁ ଦାଣ୍ଡରେ ତୋହରି ସାଥିରେ
ତୋଳିଥିଲି ବାଲିଘର
ତୁ ସାଜିଥିଲୁ ଲୋ' କନିଆଁ ମୋହର
ମୋତେ ସଜାଇଲୁ ବର ।
ଛୁଇଁଗଲା ଯେବେ ଭରା ଯଉବନ
ଭୁଲିଲୁ ସେଦିନୁ ମୋତେ
କେମିତି ସହିବି ଆଉ କାହାସାଥେ
ଆଖିରେ ଦେଖିଲେ ତୋତେ ।
ଯାଉଛି ମୁଁ' ଚାଲି ଅଜଣା ରାଇଜେ
ଏ'ମର ଶରୀର ଛାଡି
ହସୁଥାଉ ତୋର ସୁଖର ସଂସାର
ଦେଉଛି ଆଶିଷ ବାଢ଼ି ।
