ଦେଶଭକ୍ତ ସୁରେନ୍ଦ୍ର ସାଏ

ସୁରେନ୍ଦ୍ର ସାଏ ହେ ସୁରେନ୍ଦ୍ର ସାଏ

     ଭାରତ ମାତାକି ଜୟ ହେ ଜୟ ll

ଧନ୍ୟ ହେ ଓଡ଼ିଆ ମାଟି ଲଢ଼ୁଆ

      ଛଡ଼ାଇଲ ଫିରିଙ୍ଗିଙ୍କ କାଢ଼ୁଆ ll

ଧନ୍ୟ ମହୀୟାନ ବୀର ପୁଙ୍ଗବ

     ଅର୍ଜୁନ ହସ୍ତେ ଯଥା ଗାଣ୍ଡୀବ ll

ଭାରତ ସମରେ ସାର୍ଥକ ରଥୀ

    ହାତୀ ଲଢ଼େଇକୁ ପାତିଲ ଛାତି ll

ରକତ ଗାରରେ ମାରିଲ ଟୀକା

    ମୁଣ୍ଡରେ ଭିଡି଼ଲ ଗାମୁଛା ଠେକା ll

ହୀରାଖଣ୍ଡ ମୋର ହୀରକ ଭୂମି

    କିଏରେ ଫିରିଙ୍ଗି ତୁମେ ହାରାମି ll

ସିଂହ ଘରେ କର ଶୃଗାଳ ଲୀଳା

    ଜଲ୍ଦି ଜଲ୍ଦି ତୁମେ ଗୁଡ଼ାକ ପଳା ll

ତୁମ ହାତେ ଗୁଳି ଗୋଳା କମାଣ

   ଲବେ ଭୟ ନାହିଁ ମୋହର ଜାଣ ll

ମୋର ହସ୍ତେ ଦେଖ ବାଣ ଧନୁଷ

     ଦେଶ ଲୁଟିଆଙ୍କୁ ମୁହିଁ ନୃଶଂସ ll

ମାଆ କ୍ଷୀର ପିଇ ଟାଣୁଆ ମୁହିଁ

    ସ୍ୱର୍ଗୁ ଗରିୟସୀ ମୋ ଜନ୍ମଭୂଇଁ ll

ସୁଝାଇବି ମୁହିଁ ମାଆର ଋଣ

    ଭୀଷ୍ମ ପ୍ରତିଜ୍ଞା ଏ ଫିରିଙ୍ଗି ଜାଣ ll

ଛାଡ଼ିଯିବ ବାବୁ ତୁମ୍ଭ ଚାତର

     ଶୁଣରେ ଶୁଣରେ ଧଳା କୁକୁର ll

ପଛେ ଦେବି ମୁହିଁ ଶିର କଟାଇ

    ଝୁକାଇବା ନୀତି ମୋର ନୁହଁଇ ll

ଦେଶପ୍ରେମେ ତୁମ୍ଭ ଫୁଟେ ରକତ

   ସାଏ ତୁମେ ବୀର ଦେଶ ଭକତ ll

ବୀର ନାହା ତୁମ୍ଭ ବଜ୍ର ନିର୍ଘୋଷ

     ଝୁରୁଛି ଓଡ଼ିଶା ଝୁରୁଛି ଦେଶ ll

ଦେଶଭକ୍ତ ତୁମେ ଅତି ମହାନ

   ତୁମ ପଦେ କରେ କୋଟି ନମନ ll