ଲାଇବ୍ରେରୀ
ପ୍ରୋଫାଇଲ୍
ଦେହେ ଖଇଫୁଟା ତାତି
ଦେହେ ଖଇଫୁଟା ତାତି
1 min
159
ଦେହେ ଖଇ ଫୁଟା ତାତି
ଜ୍ବରରେ ଥରୁଛି କାଳା ସାଆନ୍ତଙ୍କ
କମନୀୟ ରୂପକାନ୍ତି
ଦେହେ ଖଇ ଫୁଟା ତାତି ।
ରତନ ବେଦିରୁ ସ୍ନାହାନ ବେଦିକୁ
ଆସିଥିଲେ ନାଚି ନାଚି
କି ଗାଧୁଆ ସିଏ ଗାଧୋଇଲେ ବସି
ରଙ୍ଗ ହୋଇଗଲା ପୋଛି
କେଡେ ଖୁସିରେ ସେ ହାତୀ ବେଶ ହେଲେ
ଜ୍ବର ନେଲା ହସ ଲୁଟି
ଦେହେ ଖଇ ଫୁଟା ତାତି।
ଛପନ ଭୋଗତ ପାଟିକୁ ରୁଚେନି
ମନ କାହିଁ ଲାଗେନାହିଁ
ଲାଗେ ଧଳା ଫୁଲ ଘଷାହୁଏ ତେଲ
ଶୁଅନ୍ତି ଓଷୁଅ ପିଇ
ମନ୍ଦିର ଦୁଆରେ ପଟିଦିଅଁମାନେ
ପୂଜା ଏବେ ପାଉଛନ୍ତି
ଦେହେ ଖଇ ଫୁଟା ତାତି ।
ଅଣସର ଘରେ ପ୍ରଭୁଙ୍କ ବିଶ୍ରାମ
ଜ୍ବର ଉପଶମ ପାଇଁ
କେତେବେଳେ ସିଏ ଦେବେ ଦରଶନ
ଭକତେ ଅଛନ୍ତି ଚାହିଁ
ଭଲ ହୋଇଗଲେ ବୁଲିବାକୁ ଯିବେ
ରଥ ଗଢା ହେଉଛନ୍ତି
ଦେହେ ଖଇ ଫୁଟା ତାତି ।
