ଦେବା ଆମେ ଆତ୍ମବଳି

ଶବ୍ଦରୁ ସୃଜନ-13. କର୍ତ୍ତବ୍ୟ :

ଦେଶ-ଜାତି ପାଇଁ ଦରକାର ହେଲେ ଦେବା ଆମେ ଆତ୍ମବଳି,

କ୍ଷମା ମାଗିନେବା ମଥା ପାତିଦେବା ତୁଟେଇ ଦେବାକୁ କଳି |

ବଡ଼କାମ ଦେଖି ଛୋଟ କାମଟିକୁ କରିବାନି ହତାଦର,

ମହତ କାର୍ଯ୍ୟରେ ଛୋଟ ଛୋଟ କ୍ଷତି ସହିଯିବା ଦରକାର |

ଉପଯୁକ୍ତ ପାତ୍ର ଦେଖି ଦାନକଲେ ଅଯଥା ଯାଏନା ଧନ,

ଆବଶ୍ୟକ ଦେଖି ଖର୍ଚ୍ଚ କରୁଥିବା ଖୋଲା ରଖି ହାତ-ମନ |

ଅଯଥା ଖର୍ଚ୍ଚକୁ କମାଇ ପାରିଲେ ରୋଜଗାର ଭଳି ହେବ,

ଋଣ-ରୋଗ ଥିଲେ ବଢି ବଢିଯାଏ ଦୁଃଖ ଯନ୍ତ୍ରଣା ସେ ଦେବ |

ଅଜାଚିତି ଭାବେ ପରାମର୍ଶ ଦେଲେ ତାହା ହୁଏ ମୂଲ୍ୟହୀନ,

ସମୟ କେବଳ ମୂଲ୍ୟବାନ ନୁହେଁ ସମୟ ହିଁ ବଳବାନ |

ମାଗିବାକୁ ଯଦି ପଡ଼ିଥାଏ କେବେ ଇଶ୍ଵରଙ୍କ ପାଶେ ମାଗ,

କାର୍ଯ୍ୟର ଗୁରୁତ୍ଵ ଦେଖି ଚାହିଁ ବୁଝି ତାକୁ କରିନେବା ଆଗ |