ଡଙ୍ଗା ଓ ଶଗଡ଼ଗାଡି

ଜଳପଥେ ପରିବହନର ମାଧ୍ୟମ ଡଙ୍ଗା

ସ୍ଥଳପଥେ ଶଗଡ଼ଗାଡି ।

ଡଙ୍ଗା ଉପରେ ଶଗଡ଼ ଲଦି ନାଉରିଆ

ନଦୀ କରୁଅଛି ପାରି ।।

ପାରମ୍ପାରିକ ପରିବହନର ମାଧ୍ୟମ ଏତ

ଡଙ୍ଗା, ଶଗଡ଼ ଗାଡ଼ି ।

ଚଲେଇବା ପାଇଁ ଲୋଡା ନାହିଁ ତୈଳ

ମାଂସପେଶୀ ବଳେ ଚାଲଇ ।।

ଡଙ୍ଗାକୁ ବାହି ନେଇଥାଏ ନାଉରିଆ 

ଶଗଡ଼ ଚଲାଏ ଶଗଡିଆ ।

ଡଙ୍ଗା ବାହିବାକୁ କାତଟିଏ ଲୋଡା 

ଶଗଡେ ବଳଦ ଏକ ଯୋଡା ।।

ଆଧୁନିକ ଯୁଗରେ ଡଙ୍ଗା ବଦଳେ

ମୋଟର ବୋଟ ଚାଲଇ ।

ଶଗଡ଼ ଯାଗାରେ ଚାଲଇ ଟ୍ରାକ୍ଟର 

ଇଞ୍ଜିନିରେ ତେଲ ପକାଇ ।।

ସମୟ ଆସିବ ଡଙ୍ଗା, ଶଗଡ଼ଗାଡି

ସବୁଠି ଖୋଜା ପଡିବ ।

ଚଲେଇବାକୁ କିଏ କୁଶଳୀ ନ ଥିବେ

ଚାଳକ ଅଭାବ ହେବ ।।

ପ୍ରଦୂଷଣ ମୁକ୍ତ ଯାନ ଏ ଦୁଇ ତ 

ଡଙ୍ଗା ଓ ଶଗଡ଼ ଗାଡ଼ି ।

ଦୂର କରିବାନି ନିଜଠୁ କେବେ ତାକୁ

ଆଧୁନିକ ମୋହେ ପଡି ।।