ଡାକଵାଲା

 ଡାକଵାଲା ଆଜି ଅଲୋଡ଼ା ଅଖୋଜା

   ଆମ ଏ ଯାନ୍ତ୍ରିକ ଯୁଗରେ 

ଶୁଭୁ ନାହିଁ ଆଉ ଡକାଵାଲା ଡାକ 

  ଆମ ଗାଆଁ ଗଳି କନ୍ଦିରେ

 ଆଉ ସେ ସରାଗ ନାହିଁ ଚିଠି ପତ୍ରେ 

   ଦୂରସଂଚାର ବ୍ୟବହାରେ 

ତଥାପି ହସୁଛି ସେଇ ଡକାଵାଲା 

   ତା ' ନିଅଣ୍ଟିଆ ଦରମାରେ

ବାଣ୍ଟୁ ନାହିଁ ଆଉ ନେଳିଆ ଲଫାପା 

   ଡାକଵାଲା ହୁରି କରି 

ଦେଉ ନାହିଁ ଆଉ ଭଲ ମନ୍ଦ ବାର୍ତ୍ତା 

    ଭଙ୍ଗା ସାଇକେଲ ଧରି

ଡାକଵାଲା ଘଣ୍ଟି  ନିରବି ଯାଇଛି 

  ଏ ମୋବାଇଲ ଯୁଗରେ 

ନବବଧୂ ଆଉ  ପ୍ରିୟ ଚିଠି ପାଇଁ 

   ଦଉଡୁନି ହରସରେ

ଗାଆଁ ଚିତ୍ର ଆଜି  ବଦଳି ଯାଇଛି 

   ଅଭିଜାତ୍ୟର ଢାଞ୍ଚାରେ 

 ଡାକଵାଲା ସ୍ବର ଧିମେଇ ଯାଇଛି 

   ସହରି ବାଆର ଗନ୍ଧରେ