ଦାଦନ

କାହିଁକି କେଜାଣି ଲାଗୁଛି

 ଭାରି ଅସ୍ବସ୍ଥି 

କିଏ ଯେମିତି ଖାଇଯାଉଛି

 ଘୁଣ ଭଳି ଭିତରେ ଭିତରେ 

ହୃଦୟ ଆନ୍ଦୋଳିତ, ଲାଗୁଛି

ସତେ ସବୁକିଛି ଦେଇଛି ହଜାଇ ।

ଦାଦନ ଶବ୍ଦଟି ଏତେ

 ଆକ୍ରାମକ

କ୍ଷଣିକରେ ଭାଙ୍ଗି ଦେଲା

 ସପନ ସୌଧ 

ମନେ ପକାଇ ଦେଲା ସେ 

ଦୁଇ ଲେଣ୍ଡା ଶୁଖିଲା 

ଛେପର ଆବଶ୍ୟକତା।

ଥରିଗଲା ହୃଦତନ୍ତ୍ରୀ 

ଆଖିରୁ ଠପଠପ ଲୋତକ

 ପଡିଲା ନିଗିଡି ।

ଲଥକରି ଵସିପଡିଲି ଭୂଇଁରେ

ସତେ ଯେମିତି ପାଦତଳ ମାଟି

 ଯାଇଛି ହୁଗୁଳି।

କିଏ ଜାଣିଥିଲା ,ପାଦ ଥାପୁଥାପୁ

ସବୁଯିବ ଓଲଟି

ହିଟଲର, ମୁସୋଲନୀଙ୍କ

 ଭାରିବୁଟ ତଳେ

ବିଳପି ଉଠିବ ସ୍ବଭିମାନ ।

ଯାହାକୁ ଭୁଲିଵାକୁ ଚାହିଁ

 ପାରୁନଥିଲି ଭୂଲି

ସେ ଶଦ୍ଦବାଣ ପୁଣି ଫେରି

ବାରମ୍ବାର କରିବ ଆଘାତ 

କ୍ଷତାକ୍ତ କରି ,ବିଚ ରାସ୍ତାରେ

 ଗୋଡେଇ ଗୋଡେଇ

 କରିବ ଲହୁଲୁହାଣ ।

ଆତ୍ମ ସମୀକ୍ଷା ଲୋଡା, 

ନିଜକୁ ତଉଲୁ ତଉଲୁ

 ଉଙ୍କିମାରେ ପ୍ରଶ୍ନ

ଭୂଲ ରହିଲା କୋଉଠି ???

ଟଙ୍କେଟଙ୍କେ ପେଟରୁ କାଟି

 ଯୋଡିବାର ଫଳ କଣ ଏଇଆ ।

ଦେଶ ,ପରଦେଶ ଫରକ କଣ

କର୍ମ ହିଁ ଭଗବାନ ।

ମୁଁ ନୁହଁ ନିକମା ନୁହଁ ଅଳସୁଆ 

ଶ୍ରମକୁ କରେ ପୂଜା 

ହେଉ ପଛେ ସେ 

ସହରୀ ଭାଷାରେ ଦାଦନ।

 ହଁ ମୁଁ ଦାଦନ ।