ଚଉପଦୀ - ରସରଙ୍ଗି ତୋ ଇଙ୍ଗିତ ବଚନେ
ଚଉପଦୀ - ରସରଙ୍ଗି ତୋ ଇଙ୍ଗିତ ବଚନେ
1 min
6.7K
କବି - ଗୌରହରି ପରିଚ୍ଛା
ରାଗ -ଶ୍ରୀ ତାଳ - ଆଦିତାଳ
ରସରଙ୍ଗି ତୋ ଇଙ୍ଗିତ ବଚନେ ।
ତା ଚିତ୍ତକୁ ହରି ନେଲୁ କିରେ । ପଦ ।
ତୋ ବିଧୁ ବଦନ ।
ଦେଖିଣ ମୋହନ ।
ବାସ ଭୂଷଣାଦି ମଣେ ବିଷ ପରିରେ । ୧ ।
ଖୋଳି ବାକୁ ଜଣେ ।
ଏ ବ୍ରଜ ଭୁବନେ ।
ନାହିଁ କେହି ସ୍ନେହୀ ଆଉ ତୋ ପରିରେ । ୨ ।
ଚାହିଁ ଦେଲେ ଯେଣେ ।
ତୋ ଛବି ନୟନେ ।
ଦିଗେ ଦିଗେ ଦିଶୁଛି ନାଚିଲା ପରିରେ । ୩ ।
କେବଳ ତୁ ତାର ।
ପଞ୍ଚପ୍ରାଣ ପର ।
-କାର ବର ବାରଣ ଗମନ ସିନାରେ । ୪ ।
ପାରଳା ଧବ ।
ଗୌରଚନ୍ଦ୍ର ଦେବ ।
ଏ ରସେ ତୋଷେ ଭାଷେ ସରସ ଚିତ୍ତରେ । ୫ ।