ଚପଳା

ଚପଳା ତୁମେ ବର୍ଷାର ସଖି

ନା ବର୍ଷା ତୁମ ସଖି କୁହ ଚଞ୍ଚଳା

ଗତି ତୁମ କ୍ଷୀପ୍ର ଚଡଚଡ଼ି ନାମ

ପୃଥିବୀକୁ ଆସ ଖେଳାଇ ମେଖଳା

ଲାଗେ କେବେ ଡର ଲାଗେ ଥରହର

ବର୍ଷା ସମ୍ଭାବନାର ତୁମେ ଉତ୍ପଳା

ଗ୍ରାମ ହେଉ ଅବା ସହର ଆଲୋକିତ

ତୁମେ ଆସିଗଲେ ଅବଳା

ତୁମ ପଛେ ପଛେ ଘଡଘଡି ବଜାଏ ବାଜା

ଚପଳା ତୁମେ ମେଘ ମଲ୍ହାର ଛଇଳା

ତୁମେ ଆସିଗଲେ ଭୟଭୀତ ସର୍ବେ

ଛଡେଇ ନିଅନା ଜୀବନ କାହାର ରେ ବାଳା

ଚପଳା ତୁମେ ଚାଷୀର ଆଶଙ୍କା ଶୃଙ୍ଖଳା

ବର୍ଷାରାଣୀ ର ଆଗମନ ଦର୍ଶେଇ ଆସୁ

ଚିକମିକ ତୋର ଗଭା ଗଜରା ମେଖଳା

ଆସଗୋ ଚପଳା କରନା ବାଉଳା

ମେଘ ସବାରୀରେ ଆସୁ ମେଘଵାଳା 

ତୋ ବନ୍ଦାପନା କରୁଛୁ ଚପଳା

ମେଘ ଓ ବର୍ଷା ଆଗମନେ ଆମେ ବାଉଳା

କାଗଜ ଡଙ୍ଗାଟା ଥରହର କରେ

ଚପଳା କୁ ଦେଖି ବୃଦ୍ଧବନିତା ଗୁନ୍ଥି ଫୁଲମାଳା ।