ଚିଦାନନ୍ଦମୟ
ଚିଦାନନ୍ଦମୟ
ଚିଦାନନ୍ଦମୟ ମଙ୍ଗଳ ଆଳୟ
ମଙ୍ଗଳ ମୂରତି ହରି
ଅଧର୍ମ ବିନାଶି ଧର୍ମ ପାଳିବାକୁ
ଆସନ୍ତି ସେ ଅବତରି l
ଦୁଷ୍ଟଙ୍କୁ ନିବାରି ସନ୍ଥ ପାଳିବାରେ
ସୁଦର୍ଶନ ଚକ୍ର ଧରି
ଅବତାର ପରେ ଅବତାର ନେଇ
ଅଦ୍ଭୁତ ଶରୀର ଧରି l
ମତ୍ସ୍ୟ କୂର୍ମ ପୁଣି ବରହାବତାର
ନରସିଂହ ଯେ ବାମନ
ରାମ ତ୍ରୟ ପୁଣି ବୁଦ୍ଧ କଳ୍କୀ ରୂପ
ଅବତାର ହେଲେ ଜାଣ l
ଜୟଦେବ କୃତ ଦଶାବତାର ଏ
ଚବିଶ ଭାଗବତରେ
ଜଗନ୍ନାଥ ଦାସ ବଖାଣି ଅଛନ୍ତି
ଅତି ସରଳ ଭାଷା ରେ l
ଶୂକର ସୁଯଜ୍ଞ କପିଳ ଓ ଦତ୍ତ
ଚତୁଃମନ ନର ରୂପ
ନାରାୟଣ ପୃଥୁ ଋଷଭ ଜଡ଼ ଭରତ
ହୟଶୀର୍ଷ ମତ୍ସ୍ୟକୂର୍ମ l
ନୃସିଂହ ଶ୍ରୀପତି ବାମନ ଶ୍ରୀରାମ
ଧନ୍ଵନ୍ତରୀ ପର୍ଶୁରାମ
ବଳରାମ ବ୍ୟାସ ବୁଦ୍ଧ କଳ୍କୀ ପୁଣି
ଗୋବିନ୍ଦାଦିଯେ ନାମ l
ଚବିଶାବତାର କୃଷ୍ଣ ଅବତାରୀ
ପାଳିଲେ ଏ ଧରାଧାମ
ଚିଦାନନ୍ଦମୟ ମଙ୍ଗଳ ଆଳୟ
ଜୟ ଜୟ ପୂର୍ଣ୍ଣ କାମ l