ମୋ ଜଗନ୍ନାଥ ମହାନ

ଏତେ ଯେ ଦେବତା ଥାଉ ଥାଉ କିମ୍ପା

ଅନ୍ୟ ଦେବତାରେ ମନ l

ରାତିକେ ହାତୀଏ ପାଇବାର ଆଶା

ବିଟପୀ ଜନେ ଯେସନ l

ଭୁକ୍ତି ମୁକ୍ତି ଦାତା ଏକା ସେ କେଶବ

ଆଉ କେ ପାରିବ ଆନ l

ଚତୁର୍ବର୍ଗ ଫଳ ଦେଇପାରେ ଯିଏ

ତାଙ୍କଠୁ କିଏ ମହାନ l

କାହିଁକି ପୂଜିବି ଆନ ଧରମର

ଶଠ ବାବାଜୀଙ୍କୁ ପୁଣ l

ଯାହାଙ୍କୁ ତାଙ୍କର ନିଜ ଧରମରେ

ନାହିଁ କେଉଁଠାରେ ସ୍ଥାନ l

ବିଗ୍ରହ ପୂଜିବା ପ୍ରଥା ସିନା ଅଛି

ହିନ୍ଦୁ ଧର୍ମେ ସନାତନ l

ଦଣ୍ଡ ଦେବତା ମୋ କାଳିଆ ସାଆନ୍ତେ

ଜଗତର ଭଗବାନ l

ଷୋଳ କଳା ଘେନି ବିରାଜି ଅଛନ୍ତି

ଶ୍ରୀକ୍ଷେତ୍ରରେ ନାରାୟଣ l

ସେଥିପାଇଁ ପରା ମୋର ହିନ୍ଦୁସ୍ତାନ

ବିଶ୍ୱରେ ଆଜି ମହାନ l