💔😭 😭ଛକିଶୂନ ଖେଳ😭😭💔

ମୋ ସାଥେ ଖେଳୁଛି ଭାଗ୍ୟ ତ ମୋହର

    ଆଜି ଛକିଶୂନ ଖେଳ,

ସରିନି ସପନ     ରାତି ପାହିଯାଏ

   ସରିଯାଏ ସବୁ ବେଳ।।

ମନେ ଘରକରେ  ଅନେକ ଯନ୍ତ୍ରଣା

   ସମୟର ତାଳେ ତାଳେ,

ପ୍ରେମ ଟିକେ ପାଇଁ   ବନ୍ଧା ପଡ଼ିଗଲି

   ମାୟା ମରୀଚିକା କୋଳେ ।।

ମରୀଚିକା ପଛେ   ଧାଇଁ ଧାଇଁ ଗଲି

   ପାଣି ଟୋପେ ପିଇବାକୁ ,

ଜାଣି ପାରିଲିନି     ଚିହ୍ନି ପାରିଲିନି

    ପାଇଲି ତତଲା ବାଲିକୁ।।

ପାଦ ପୋଡ଼ିଗଲା    ତଣ୍ଟି ଶୁଖିଗଲା

      ପାଦରୁ ଝରିଲା ଲହୁ,

ହୃଦୟଟା ମୋର  ଭାଙ୍ଗି ଦେଇଗଲା

      କାହାକୁ କହିବି ଆଉ।।

ହୃଦୟୁ ଝରୁଛି   ଅଦେଖା ଲୋତକ

    କିଏ ସେ ପାରିବ ବୁଝି,

ଭାଗ୍ୟ ତ ମୋହର  ଭଗାରି ସାଜିଲା

    ଦୁଃଖରେ ଦେଉଛି ସୁଝି।।