ବ୍ୟଥାସିକ୍ତ ବସନ୍ତ

ଏ ବସନ୍ତ ….ବ୍ୟଥାସିକ୍ତ

ମଳୟର ମୃଦୁ-ମୃଦୁଳରେ

କି ମର୍ମନ୍ତୁଦ ମୃତ୍ୟୁର ସଂଚାର

ଚତୁର୍ଦିଶେ ହାହାକାର

କରୋନା ର କରାଳତାରେ

କି କ୍ରନ୍ଦନର କରୁଣ-ଚିତ୍କାର

ସୁମନ ପଳାସର ରକ୍ତ କେତନରେ

କି ଅବା ବିପଦର ବାରଣ ସୂଚନା

ଶୁଶୋଭିତ ପୁଷ୍ପିତ କାନନ କୁନ୍ତଳ

ରୂପରାଜି ନୟନେ କି ପଡେନାହିଁ ଜଣା

ନିସ୍ତବ୍ଧ ପୃଥିବି

ଅନିଶ୍ଚିତ ମୃତ୍ୟୁ ର 

ଅୟ-ଆଶଙ୍କାରେ

ଜନଶୁନ୍ୟ ଆଜି

ଲୋକାରଣ୍ୟ ସମସ୍ତ ସହର

କାହିଁ ଆଜି ସେହି…ଶ୍ରେଷ୍ଟତ୍ଵର

ବୃଥା ଗର୍ବ ଅଭିମାନ

ଭୂତାଣୁ ର ଭ୍ରାମରୀରେ

ଭୟାକ୍ତ ଭୂଖଣ୍ଡ

କି ସତେ ,ଅନୁରୂପ ଶମଶାନ

ହେ ଆହତ ପ୍ରାଣ

ଶ୍ରେଷ୍ଟତ୍ଵ ର ମହିମା ମଣ୍ଡନ

ଦେବତ୍ୱକୁ ଭୁଲି କିଆ

କଲ ପାଶବିକ ଆହରଣ

ଅତି ଗର୍ବେ ଭୁଲିଗଲ 

ଗୁରୁ ଗରିୟାନ

ପ୍ରକୃତି-ସଂସ୍କୃତି ସବୁ ମଣି ହେୟ ଜ୍ଞାନ

ଆପେ ଜ୍ଞାନୀ ମଣି

ବଧିର ପ୍ରାୟେ କି ଜମା

ଶୁଣିଲନି ତତ୍ତ୍ୱ ବେଦ ବାଣୀ

ଭୁଲି ଦୟା-ଧର୍ମ ଆଚରଣ

ଅଧର୍ମେ ନିବେଶି ମନ

କଲ ନାନାଦି କୁକର୍ମ

ପ୍ରକୃତି ରଚୁଛି ନିତ୍ୟେ

ନାନାଦି ତାଣ୍ଡବ

ଦହୁଛି ମାନବ ଗର୍ବ-

କାନନ ଖାଣ୍ଡବ

ବେଳ ହୁଁ ଜାଗ୍ରତ ହୁଅ

ହେ ପ୍ରାଣୀ ଶ୍ରେଷ୍ଠ ମାନବ ସମାଜ

ପ୍ରକୃତି ସଙ୍କେତ ବୁଝି

କର ଅନୁରୂପ କାର୍ଯ୍ୟ

ତେବେ ଜଗତରେ ହେବ

ମହିମା ମଣ୍ଡନ

ହେ ବୀର ବରପୁତ୍ର

ଧରଣୀର ଅମିୟ ନନ୍ଦନ