ବ୍ୟଙ୍ଗ କବିତା : ସବୁ ଏଠି ଚଳେ

ଚଳେଇ ନେଲେ ଚଳିଯିବ ଯେ, ସବୁ ତ ଏଠି ଚଳେ,

କିଏ ଶୋଊଛି ଖାଲି ପେଟରେ କିଏ ଖାଉଛି ପୁଳେ |

ପୁଲିସ ଗଛ ଚଢିବ ସିନା ଚୋର ଡେଉଛି ଡାଳେ,

ଭୋଟର ପଛେ ଥାଉ ସ୍ଵର୍ଗରେ ଭୋଟପଡ଼େ ବଳେ |

ପଣ୍ଡିତ ପୁଅ ମାଙ୍କଡ଼ ମାରେ ଦୋଷ ଲାଗେନା ତାକୁ,

ନେତାଙ୍କ ପୁଅ ସମ୍ମାନ ଯୋଗ୍ୟ ହେଉ ପଛକେ ଡାକୁ |

ଆଇନ ଅଛି କାନୁନ ଅଛି ମାନନ୍ତି ନାହିଁ କେହି,

ଦଳରେ ଥିଲେ ଭାଙ୍ଗିବେ ଆମେ ପାଟି ଖୋଲିବୁ ନାହିଁ |

କଳାଧୂଆଁ ଯେ ଅଧିକ ଛାଡ଼େ ତାକୁ ଧରିବା ମନା,

ଦୀପଜାଳି ଯେ ଧୁଆଁ କରୁଛି ଦିଏ ସେ ଜୋରିମାନା |

ଚାକିରି ଖଣ୍ଡେ ପାଇଲା ଯିଏ ସିଏ ମାଲିକହେଇ,

କହୁଛି ତମେ କାଲିକୁ ଆସ ଖରଚା କିଛି ନେଇ |

ଗରିବ ହେବା ଫେସନ ଏଠି ସୁବିଧା ନେବାପାଇଁ,

ମାଗଣା ହେଲେ ପିଚୁ ପିଅନ୍ତି ନରକପୁର ଯାଇ |

ଶସ୍ତାରେ କିଛି ମିଳୁଛି ଏଠି ଯଦି କେ ଦେଲା କହି,

ଧାଡ଼ି ଲାଗିବ ମେଳା ବସିବ ଦଳା-ଚକଟା ହେବ |