ବ୍ୟବଧାନ ଦୁଇ ଅନ୍ତରର
ବ୍ୟବଧାନ ଦୁଇ ଅନ୍ତରର
ତୋ ସଂଗେ ମିଶିବା ଦିନଠୁ ତୋ ରଂଗେ
ପରା ରଂଗେଇ ହୋଇଥିଲି
ସେଇ ପ୍ରେମମୟ ସମୟର, ଜୁଇ, ଜାଇ,
ହେନା ସାକ୍ଷୀ ଥିଲେ ଖାଲି ।
ସେ ତ ନଥିଲା ସାଗର ପାଖର ବାଲିଘର
ଯେ ଭାଙ୍ଗି ଦେବ ଦୁଷ୍ଟ ଜୁଆର,
ନଥିଲା କି ସମର୍ପଣ ଭାବ, ପ୍ରତାରଣା କଲ,
ମନେଅଛି କେଉଁଦିନ ମନେ ପଡିଲା ଗାର ।
ମନ ମଧ୍ୟରେ ମୋ ମନ ଖୋଜୁଛି, ହେ,
ପ୍ରିୟା, ତୁମ ଆଗମନ ପାଇଁ,
କିନ୍ତୁ ପ୍ରତାରିତ ହେଉଛି ଛଳନା ଭିତରେ ,
ବୁକୁ ତଳ କାନ୍ଦୁଛି କଇଁ କଇଁ ।
ସ୍ୱପ୍ନରେ ଆସୁଛି ତୁମ ଗୋଲାପି ଚିଠିଟି
ଲଫାପାରେ ହୋଇଛି ଭରି
ଘର ସାମନାରେ ଡାକବାଲା ଠିଆ ହୋଇଛି
ଚିଠିକୁ ହାତରେ ଧରି ।
ମନର ଅଙ୍ଗନେ, ସଳିତା ଭଳି ଜଳି ଲିଭୁଛି
ଓ ଜଳି ଉଠୁଛି ବାର ବାର,
ଭାବୁଛି, ମଉକାଟେ ଦେଖି କହିବି ତୁମକୁ,
ସବୁ ବ୍ୟଥା ବେଦନା ମୋର ।
ଖୋସାମଦି ଆସେ ନାହିଁ ମୋତେ, ବିଶ୍ଵାସ
ଭରଷା ପାଥେୟ ମୋର
ଚାହୁଁଥିଲି ଆଗେ ଚାହୁଁଛି ବି ଏବେ, ଫରକ
ମାତ୍ର ବ୍ୟବଧାନ ଦୁଇ ଅନ୍ତରର ।