ବୁଝିବା କଥା କିଛି
ବୁଝିବା କଥା କିଛି
ପଣ୍ଡାଙ୍କ ଧଣ୍ଡା
ଗୁଣ୍ଡାଙ୍କ ଖଣ୍ଡା
ନେତାଙ୍କ ନୀତି
ଯୁବାଙ୍କ ପ୍ରୀତି ଆଉ ଶୀତୁଆ ରାତି ।
ଏସବୁ ଦିହ ପାଇଁ ବଡ଼ ବିପଦଜନକ,
କେତେବେଳେ କିଏ
କେମିତି ଲୁଟିବେ
ତିଳେ ପଡ଼ିବନି ଭନକ ।
ସରକାରିଆ ଡାଇଭର ସିଟ୍ ବେଲଟ୍ ନାହିଁ ତା'ର
ଆଉ ଯେତେ ଜନତା ନାରୀ ନର,
ତାଙ୍କୁ ହିଁ ସର୍ବଦା ମାର୍ ଧର ।
ସରକାରେ ଅଛି ନବୀନ
ନୀତି ଯେ ବଦଳେ ଘନଘନ
ଯେତେକ ତାଙ୍କ ଚେଡ଼ିଚାମୁଣ୍ଡି ଗଣ,
ସବୁତ ଅଟନ୍ତି ସୈତାନ ।
ପୂର୍ବେ ବେପାରୀ କରୁଥିଲା ବେପାର
ଶିକ୍ଷା ସ୍ୱାସ୍ଥ୍ୟ ଦେଉଥିଲା ସରକାର
ନୀତି ଏବେ ଗଲା ଟିକେ ବଦଳି,
ରଙ୍ଗ ଯେ ତାଙ୍କ ଭଳି ଭଳି ।
ଏବେ ଶିକ୍ଷା ସ୍ୱାସ୍ଥ୍ୟ ଦେଉଛି ବେପାରୀ
ମଦଟା ହେଲାଣି ସର୍କାରୀ
ବିଭାଗ ଅଟେ ଯେ ଅବକାରୀ,
ତେଣୁ ସୁରାଟା କେମିତି ନ ହେବବା ସର୍କାରୀ ।
ମଦ ପାଇଁ ଏଠି ପୁରସ୍କାର , ପ୍ରଚାର ଚାଲିଛି ଜୋରଦାର
ତେଣେ ସହରେ ବୁଲେ ମଦୁଆଧରା ଗାଡ଼ି
ବୋଧେ ସର୍କାରୀ ମୁଣ୍ଡଟା ଗଲାଣି ଏବେ ବିଗିଡ଼ି ।
ଗୋଟାଏ କାମକୁ ଦି' ଟା ନୀତି
ଠିକ୍ ନାହିଁ ସରକାରଙ୍କ ମତିଗତି
ବିରୋଧୀ ଦଳର କୂଟନୀତି,
ସର୍କାରୀ କଳକୁ ନାହିଁ ତିଳେ ଭୀତି ।
ବିରୋଧୀ ନେତା ଦୁର୍ବଳ
ପାର୍ଟିର ନାହିଁ ଥଳ କୂଳ
ସ୍ଥିତି ତାଙ୍କ ଏବେ, ପରିତ୍ୟକ୍ତା ପୋଖରୀର ନେଳୀ ଜଳ
ସାଙ୍ଗକୁ ପୁଣି ଚିଙ୍ଗୁଡ଼ିଆ ଦଳ ମାଳମାଳ ।
ଏକଚାଟିଆ ରାଜନୀତି,
କେଉଁଠୁ ଆସିବ ପ୍ରଗତି
ଯେତେ ସବୁ ନୂଆ ଯୋଜନା,
ନେତାଙ୍କ ପାଇଁ ଟଙ୍କା ବିଛଣା ।