ବରବେଶ

ଠୋପି ଠୋପି ଠୋପି

ଗୋଳି ଚନ୍ଦନ

କପାଳରେ ଯେବେ ନାଇବ

ଫୁଲମାଳ ପିନ୍ଧି

ବରବେଶ ସାଜି

ବେଦୀପରେ ଯେବେ ବସିବ l

ନଇଁ ନଇଁ ନଇଁ

ଥରଥର ପାଦେ

ସୁକୁମାରୀ ଜେମା ଆସିବ

ଲାଜେ ମରି ମରି

ଧିରେ ଆସି ଯେବେ

ବାମ ଭାଗେ ତୁମ ବସିବ l

କିଛି ନ ଜାଣିଲା ପରି

ଅଭିନୟେ ଯେବେ

ଆଖି କୋଣେ ତୁମ ଚାହିଁବ

ସତ ମୁଁ କହୁଛି

ସିରିସିରି ରାଗେ

ମଦନ ମୋ ତନୁ ଦହିବ l

ଅଗ୍ନି ସାକ୍ଷୀ ରଖି

ପୁରୋହିତ ଯେବେ

ଆମ ଦୁଇ ହାତ ଛନ୍ଦିବ

ଜାଣିବ ହେ ବନ୍ଧୁ

ସ୍ୱପ୍ନ ସତ ହେଲା

ମୋର ଜୀବନେ ମହକ ଭରିବ l