ବନ୍ଧୁ ମୋର ଭାରି ବଢିଆ

ଷ୍ଟୋରି ମିରର୍ ରେ ଗଢିଛି ଘର

ଜଗନ୍ନାଥ ନାମେ ଖୋଲେ ଦୁଆର ।

ଆସି ଗଲେ କେତେ ଭକତ ଭାଇ

ସୁପ୍ରଭାତ ବୋଲି ଉଠିଲେ ଗାଇ ।

କିଛି କ୍ଷଣ ପାଇଁ ଖୋଜଲେ ଫଟୋ

ଭଉଣୀ ଭାଉଜ ହୋଇବେ ଭେଟ ।

ସୁଖ ଦୁଃଖ ପଦେ କହିବେ ବସି

ଅମା ଅନ୍ଧକାରେ ଉଇଁବ ଶଶି ।

ପୁଣି ଚର୍ଚ୍ଚା ହେବ କିଏ ଲେଖିଛି

କମେଣ୍ଟ ଦେବାକୁ ସୁନ୍ଦର ବାଛି ।

କେଉଁ ବନ୍ଧୁ ଲେଖେ ଅତି ସ୍ନେହରେ

ଗୋଲାପି ସୁଗନ୍ଧ ପ୍ରେମ ଅତରେ ।

କିଏ ସେ ଲାଇକ ଦିଅନ୍ତି ଡରେ

ପୁଣି କିଏ ଦେଲେ ଈର୍ଷା ଜହରେ ।

ସକଳର ନୁହେଁ ନିର୍ମଳ ଚିତ୍ତ

ତଥାପି ମୁଁ ରଖେ ବନ୍ଧୁ ମହତ୍ ।

ମନ କଥା ମନେ ନରଖ ଚାପି

ଆଜି ପରା ଦିନେ ଲେଖନ୍ତୁ ହାପି ।

ବିଶ୍ଵ ବନ୍ଧୁ ଦିନେ ବଢାଅ ହାତ

ରଖିବା ଭାରତ ମାନ ମହତ୍