ବନ୍ଧକ ସ୍ଵପ୍ନ
ବନ୍ଧକ ସ୍ଵପ୍ନ
ରାତିର ଅନ୍ଧକାରର ଗାଢ଼ତା
ବେଶୀ ହେଉଥିଲା ବେଳେ
ସ୍ଵପ୍ନର ନିବିଡ଼ତା ବି ନିମଗ୍ନ
ହୋଇ ଚାଲିଥିଲା।
ନିଦର ବହଳତା ବି କମ୍ ନ'ଥିଲା
ଆଖି ନିଦ ଓ ରାତି ଏମାନଙ୍କ ମଝିରେ
ଛନ୍ଦି ହୋଇଥିଲା କିଛି ଅଜଣା ସ୍ଵପ୍ନ।
ସମୟର ପ୍ରଖର ସୁଅକୁ
କିଛି କ୍ଷଣ ରୋକିବାକୁ ଚେଷ୍ଟା କରୁ କରୁ
ତା' ଅଜବ ସର୍ତ୍ତାବଳୀରେ
କିଛି ସ୍ଵପ୍ନ ବନ୍ଧକ ରଖିଥିଲି।
ସମୟ ତ ଚାଲିଗଲା ସେ ସ୍ଵପ୍ନ ନେଇ
ସୁଧର କଡା ଗଣ୍ଡାର ହିସାବ କରୁ କରୁ
ରାତି ପାହିଗଲା କିଛି ସ୍ଵପ୍ନ ଆଖିରେ
ରହିଗଲା ଆଉ କିଛି
ସ୍ମରଣହୀନ ହୋଇ କେଉଁଠି ଲୁଚିଗଲା।