ବିନତୀ

ଶଶାଙ୍କ ଶେଖର ରାୟ

ଲୋଡାନାହିଁ ଧନ ଜନ ମାନ

ଆଶିଷ କରୁଣାର ଜଳଧାରା

ଢାଳିଦିଅ ମୋ ମଥାରେ

ତୁମ ନାମ ଗୁଣ କରି ସଂକିର୍ତ୍ତନ

ଜୀବନଟା ସରିଯାଉ

ଏମିତି ପଞ୍ଚତ୍ଵ ପ୍ରାପ୍ତିରେ ।

ଯେତିକି ଦେଇଛ ତୁମେ

ସଜାଡି ରଖି ମୁଁ ପାରୁନି ତାକୁ

ଅଧିକ ଆଶା ନାହିଁ ମୋ ମନେ

ଶାନ୍ତିର ମଳୟ ବହୁଥାଉ ସଦା

ମୋ ଜୀବନ ନଈକୂଳେ

ହସିବାକୁ ଶକ୍ତିଦିଅ ଥିଲେ ମୁଁ ଦୁଃଖରେ ।

ପେଟ ପୁରୁ କି ନ ପୁରୁ

ମହକୁଥାଉ ଅମୃତର ମହମହ ବାସ୍ନା

ଶାଗ ଖୁଦଜାଉ ଵାସିତୋରାଣୀରେ

ଏତିକି ବିନତୀ ତୁମରି ପାଶେ

ତୁମ ପାଦ ପଡୁ ଥରେ

ଗୋବରଲିପା ଝୋଟି ମୂରୁଜବୁଣା ମୋ ଅଗଣାରେ ।

ମୋ - ୭୩୭୭୧୯୭୯୯୯

ବଟରପଡା ଭାମଣ୍ଡା ରାଜକନିକା କେନ୍ଦ୍ରାପଡା