ବିନ୍ଦୁଏ ସିନ୍ଦୁର
ବିନ୍ଦୁଏ ସିନ୍ଦୁର
ଖେଳଘର ସରିଗଲା ପରେ
ମହକି ଉଠେ ଦାମ୍ପତ୍ୟ ଜୀବନ
ଶକ୍ତିମୟୀ ହୁଏ
ପ୍ରୋଢ଼କନ୍ୟାଟିଏ
ତେଣୁ ତା'କୁ ଆଶୀର୍ବାଦ କରାଯାଉ
ବିନ୍ଦୁଏ ସିନ୍ଦୁର
ନିନ୍ଦା ପ୍ରଶଂସା କୁ
ବେଖାତିର୍ କରି
ସବୁ ଆଶା ପୂର୍ଣ୍ଣକରେ।
ନିଜ ପରିଧିଠୁ
ଅନେକଦୂରଯାଏଁ
ସମ୍ପର୍କକୁ ବାନ୍ଧିରଖେ
କପାଳରେ ଦିକିଦିକି ଦିଶେ
କୃଷ୍ଣଚୂଡ଼ା ରଙ୍ଗ
ସରଳ ନିମନ୍ତ୍ରଣ ରେ
ହାତ ପରେ ହାତରଖି
ପାହୁଣ୍ଡ ପକାଏ
ବିନ୍ଦୁଏ ସିନ୍ଦୁର...
କଣ୍ଟକିତ ଜୀବନର
ଜଞ୍ଜାଳିଆ ରାସ୍ତା
ଚାଲିବାକୁ ଖୋରାକ
ଯୋଗାଏ ...
ପର୍ଣକୁଟୀରଠୁ
ରାଜ ଉଆସ ଯାକେ
ସୁଖର ପ୍ରତୀକ
ବିନ୍ଦୁଏ ସିନ୍ଦୁର...