ବୀର ସୁରେନ୍ଦ୍ର ସାଏ

୧୮୦୯ ଖ୍ରୀଷ୍ଟାବ୍ଦରେ ଜନ୍ମ 

ଲଭିଲେ ସୁରେନ୍ଦ୍ର ସାଏ। 

ସମ୍ବଲପୁରର ଇଂରେଜ ବିରୋଧୀ

ଜମିଦାର ଥିଲେ ସିଏ ।୧।

ମହାରାଜା ସାଏ ସମ୍ବଲପୁରର 

ରାଜାଙ୍କ ଦେହାନ୍ତ ପରେ ।

ଉତ୍ତରାଧିକାର ଜାହିର କରିଲେ

ଇଂରେଜ ଦରବାରରେ।୨।

ରାଣୀ ମୋହନକୁମାରୀଙ୍କୁ ଫିରିଙ୍ଗି

ଗାଦିରେ ଦେଲେ ବସାଇ। 

ବିଦ୍ରୋହ ସାରା ରାଇଜେ ବ୍ୟାପିଗଲା

ଗଣ୍ଡ ହିଞ୍ଜାଲଙ୍କ ପାଇଁ ।୩।

ରାଣୀ ବସାଇଲେ କର ସହଚର

ସୁରେନ୍ଦ୍ରଙ୍କର ଏ ଥିଲେ ।

ବିଦ୍ରୋହକୁ ଶାନ୍ତ କରିବେ ସଇନ 

ହଜାରିବାଗୁ ଆସିଲେ । ୪। 

ଦମନ ନହେଲା ବିଦ୍ରୋହ ୟାପରେ 

ରାଣୀ ଗାଦିଚ୍ୟୁତ ହେଲେ ।

ସୁରେନ୍ଦ୍ରଙ୍କୁ ରାଜା ନକଲେ ଫିରିଙ୍ଗି

ଲୋକେ ଯାହା ଭାବିଥିଲେ ।୫।

ବରପାଲି ଜମିଦାର ନାରାୟଣ 

ସିଂ ଗାଦିରେ ବସିଲେ ।

ସୁରେନ୍ଦ୍ର ଉଦ୍ଦନ୍ତ ବଳରାମଙ୍କୁ

ଯାବଜ୍ଜୀବନ କାରା ଦେଲେ ।୬।

ସିପାହୀ ବିଦ୍ରୋହେ ବିଦ୍ରୋହୀ ଘୋଷିତ 

ନିର୍ଭୀକ ସୁରେନ୍ଦ୍ର ସାଏ । 

ବନ୍ଦୀ ଅବସ୍ଥାରେ ଅସୀରଗଡରେ 

ପ୍ରାଣ ହରାଇଲେ ସିଏ ।୭।