ବିଦାୟୀ ବେଦନା

ସମୟ ଦେଲାଣି ଇସାରା

                 ସରିଯାଉଛି ବେଳ

ବରଷ ଯାକର ସରାଗ

              ବାରମାସର ଖେଳ ।

ଭାବ ବନ୍ଧନର ବନ୍ଧନୀ

                ଆଜି ଯାଇଛି ଭାଙ୍ଗି

ପ୍ରେମ ପ୍ରଣୟରେ କାହିଁକି

             କମା ଯାଇଛି ଲାଗି ।

ବିଦାୟୀ ବେଦନା ନିଦାନେ

              ଦାନ ଦୁଃସହ କ୍ଳେଶ

ଆଶା ଅଭିଳାଷ ଆବେଗ

            ଆଜି ହେଉଛି ଶେଷ ।

ବାକି ନାହିଁ ବେଶି ସମୟ

                    ସରିଯିବ ବରଷ

ଚାଲିଯିବ ଚଲା ବଉଦ

             ପ୍ରେମ ପ୍ରୀତି ପରଶ ।

କେତେ ସ୍ମୃତି ଶତ ଶରଧା

                ସାତ ଜନମ ପ୍ରୀତି

ଭାଙ୍ଗିଗଲା ଭାବ ବନ୍ଧନ

              ବନ୍ଧୁ ପଣରେ ଇତି ।

ବିଦାୟୀ ବେଳାରେ ବିଦିର୍ଣ୍ଣ

                ଜୀର୍ଣ୍ଣ ହୃଦୟ ଦ୍ବାର

ସ୍ନେହ ଉପହାର ପରସି

           ଝରେ ଲୋତକ ଧାର ।

ନୁଆ ବରଷର ସରସ

                ଗୀତ ଶୁଭ ସଙ୍ଗୀତ

ଶୁଭୁଚି ମିଳନ ପରବ

                ସମୟର ଇଙ୍ଗିତ ।

ଶୂନ୍ୟ ମୂହୁର୍ତ୍ତ ର ମନ୍ତରେ

                  ମନ ଯାଇଛି ମଜ୍ଜି

 ସୁଶିତଳ ଶୀତ ଆସରେ

              ଆଜି ଯାଇଛି ହଜି ।