ବିଚ୍ଛେଦର ଅନ୍ୟ ନାମ ବିରହ

ସୈନିକ ପତ୍ନୀ ଭାରି ନିରିମାଖି 

ଦେଶ ସେବା ପାଇଁ ଗଲେ ତା ପତି 

ଆଖି ଲୁହ ଆଖିରେ ମରେ ହୁଏ ବିରହୀ 

ଦେଶର ରକ୍ଷକ ପାଇଁ ତାର ଗର୍ବ ଓ ଗୌରବ 

ସ୍ୱାମୀ ପାଇଁ ପୂଜା ପାଠ ବ୍ରତ କରେ ବାରମାସୀ 

ଚିଠି ଖଣ୍ଡେ ଅବା ଫୋନ କଲ ଟିଏ ପାଇଗଲେ 

ହୁଏ କିଏ ଉଦାସି କିଏ ପାଏ ସତେ ଶରଦଶଶୀ 

ଦେଶର ରକ୍ଷାରେ ସୈନିକ ପତ୍ନୀ ନିଜକୁ କରେ ପିଆସୀ 

ନିଜ ପ୍ରେମ ଓ ପ୍ରଣୟ ବଳିଦେଇ ଦୁଃଖେ ଥାଏ ବାରମାସୀ 

ବିରହ ଯାତନା ବିଚ୍ଛେଦ ବେଦନା ସହି ସହି 

ହୁଏ ସୌଭାଗ୍ୟବତୀ ସାହସୀ 

କିଏ କିଏ ପୁଣି ସଙ୍ଗରେ ରହି ଚାହିଁରହେ 

ଫେରିବା ବାଟ ଶୁଭ ମନାସୀ 

ଦେଶର ସୈନିକ ବୀର ଯବାନ ବୋଲାଏ 

ପତ୍ନୀର ବିଶ୍ୱାସ ଭରସା ଭିତରେ ଶହୀଦ କିଏ ହୁଏ 

ବିଚ୍ଛେଦ ବିରହ ଦେଶ ପାଇଁ ବୋଲି କହି ତାକୁ 

ସର୍ବସଂହା ମାଆ ହୁଅନା ଅଣନିଶ୍ୱାସୀ ।