ବିଚ୍ଛେଦ

ବିଚ୍ଛେଦ ଏକ ଅମାବାସ୍ୟା 

ଜୀବନ ଆକାଶେ 

ବିଚ୍ଛେଦ ଏକ ନଞ୍ଜତତପୁରୁଷ 

ହାରି ହରାଇ ବିଶ୍ୱାସେ 

ବିଚ୍ଛେଦ ଏକ ଜୁଇର ଉହ୍ମେଇ 

ଜୀବନ ମରଣ ନିଶ୍ୱାସେ 

ବିଚ୍ଛେଦ ଏକ ନିର୍ଜ୍ଜନ ଉପତ୍ୟକା 

ନଥାଏ ଆଶା ଭରସା ପାଶେ 

ବିଚ୍ଛେଦ ଏକ ଏମିତି ନିଆଁ ଝୁଲ 

ହୃଦୟ ଲହୁ ଲୁହ ପ୍ରକାଶେ 

ବିଚ୍ଛେଦ ଏକ ଶୀତଳ ସୌଜନ୍ୟତା 

ଗୁପ୍ତରେ ଅନ୍ତରେ ପ୍ରକାଶେ 

ବିଚ୍ଛେଦ ଏକ ଅର୍ଦ୍ଧମୃତ ଆଗ୍ନେୟଶୀଳା ଶରୀର 

ବିକ୍ଷିପ୍ତ ପାଉଁଶତଳ ନିଆଁଧାସେ 

ବିଚ୍ଛେଦ ଏକ ନିସ୍ତବ୍ଧ ନିଷ୍ଠୁର ଅଙ୍ଗୀକାର 

ଜୀବନ ମରୁରେ ବିକଶେ 

ବିଚ୍ଛେଦ ଏକ ସମ୍ମୋହନ ସଲିଳ ସମାଧି 

ଅନ୍ତର୍ବେଦନା ଫୁଲର ଆଭାସେ 

ବିଚ୍ଛେଦ ଏକ ଝଡ଼ କ୍ଷତିଗ୍ରସ୍ତ ଇଗଲ 

ଖଣ୍ଡିଉଡା ଦେବାକୁ ମନାସେ 

ବିଚ୍ଛେଦ ପରି ଜରୁରୀକାଳିନ ପରିସ୍ଥିତି 

ନିୟନ୍ତ୍ରଣାଧୀନ ଭଗବତ ବିଶ୍ୱାସେ 

ବିଚ୍ଛେଦ ହିଁ ସ୍ଵୀକାର୍ଯ୍ୟ ଜୀବନ ଯମୁନାରେ 

ଜନ୍ମ ଜାତକେ ଅବଶ୍ୟ ନିଶ୍ୱାସେ 

ବିଚ୍ଛେଦ ହୁଏତ ଆଣିଦିଏ ଜି ଯିବାର କଳା 

କାରିଗର ଓ ଅଣାକାର ଭାବରେ ବଶେ l