ଭୁଲିଯିବୁ ବାପାଘର

ଲାଗିଲା ସିନ୍ଦୁର ଝିଅ ତୋ ମଥାରେ

ଆମେ ହୋଇଗଲୁ ପର

ଶୋକ ସାଗରରେ ଭସେଇ ଆମକୁ

ଚାଲିଯିବୁ ଶାଶୁଘର |

ମାଆ ତୋର ଝିଅ କାନ୍ଦୁଛି କେତେ ଲୋ

କେତେ ଯେ' ଝରେଇ ଲୁହ

ମାଆ ମମତାକୁ ଦୂରେଇ ତୁହି ଲୋ

ଚାଲିଯିବୁ ଶାଶୁଘର |

ବଡ଼ଭାଇ ତୋର ଭାଳି ହେଉଅଛି

ଭାବି ତୋ' ସ୍ନେହ ଆଦର

ସେ ଭାଇ ବନ୍ଧନ ଭାଙ୍ଗିଗଲା ଆଜି

ଚାଲିଯିବୁ ଶାଶୁଘର |

ସାନ ଭଉଣୀ ତୋ' କେତେ ଯେ' ଝୁରୁଛି

ଛାଡିଦେଲୁ ହାତ ତା'ର

କା' ପ୍ରେମ ପ୍ରୀତିରେ ଆଉ ସେ ହସିବ

ଚାଲିଯିବୁ ଶାଶୁଘର |

ସାନଭାଇ ତୋ'ର କୋଣେ କୋଣେ ବସି

ପିଉଅଛି କେତେ ଲୁହ

ତୋ ବିନା ଝିଅ ଲୋ ଝଡ଼ିଯିବ ସିଏ

ଚାଲିଯିବୁ ଶାଶୁଘର |

ସଭିଏଁ କହନ୍ତି ସଂସାର ସାଗରେ

ବାପାର ଛାତି ପଥର

ସେ' ପଥର ଆଜି ତରଳି ଗଲାଣି

ଚାଲିଯିବୁ ଶାଶୁଘର

ଚାଲିଯିବୁ ଶାଶୁଘର ||