ଭ୍ରମଣ ବେଳା

ମନ ଝୁରେ ଭ୍ରମଣ ବେଳାର

    ମିଠା ମିଠା ଅନୁଭୂତି

ମନମଉଜ ରେ ଶୀତୁଆ ସକାଳେ

   ଘରୁ ବାହାର ସାଙ୍ଗସାଥି l

ପ୍ରକୃତି କୋଳରେ କିଛିଟା ମୁହୂର୍ତ୍ତ

  ମୋହିତ ସଭିଙ୍କ ମନ

ବୃକ୍ଷ ବନସ୍ପତି ସୌନ୍ଦର୍ଯ୍ୟରେ ମୁଗ୍ଧl

    କୋଇଲିର କୁହୁ ତାନ l

କୁଳୁକୁଳୁ ସ୍ୱରେ ଅଳସୀ ଝରଣା

  ଝରଝର ବହି  ଯାଏ 

ପଥ ଧାରେ ତାହାରି ପରସେ

   ସବୁଜିମା ଭରି ଦିଏ l

ନାହିଁ କୋଳାହଳ କର୍ମର ଡାକରା

    ବ୍ୟସ୍ତତା କୁ ଅପସରି

ତଲ୍ଲୀନ ପରାଣ ଖୁସିର ସାଗରେ

   ମୁକୁତା ପଡଇ ଝରି l

ପଡ଼ିଯାଏ ମନେ ବାପା ମା 'ଙ୍କର

     ସେଇ ସତର୍କ ବାଣୀ

ଭ୍ରମିବୁ ଯତନେ ଯିବୁନାହିଁ କେବେ

     ଥିଲେ ଗଭୀର ପାଣି l

ଖେଳକୁଦ ସଙ୍ଗେ ଗୀତର ଆସର

   ଜମି ଯାଏ ବଡ଼ ରଙ୍ଗେ

ମନେ ମୁଁ ଭାଳଇ ଦୂରବିଦେଶରେ

    ବୁଲନ୍ତିକି ସାଥୀ ସଙ୍ଗେ !