ଭଲକାମ କରୁଥିବା ମଣିଷ

ପ୍ରତିଦିନ କିଛି ଭଲ ଜିନିଷକୁ ଖୋଜି ଦେଖି ଖୁସିହେବା,

ଭଲକାମ କରୁଥିବା ମଣିଷକୁ ଉତ୍ସାହିତ କରୁଥିବା ।

ସବୁଠାରୁ ବଳି ଶକ୍ତିଶାଳୀ ଅସ୍ତ୍ର ହେଉଛି ଆତ୍ମ-ବିଶ୍ୱାସ,

ନିଜସ୍ୱ ବିଶ୍ୱାସ ଦୃଢ଼ ହୋଇଗଲେ ବିପଦେ ଲାଗିବ ହସ ।

ଯେଉଁ ଘଟଣାଟି ଦୁଃଖ ଦେଇଥିଲା ତାକୁ ଶୀଘ୍ର ଭୁଲିଯିବା,

ଯେଉଁ ଘଟଣାଟି ସୁଖଦାୟୀ ତାକୁ ସ୍ମୃତି କରି ରଖିଦେବା ।

ମଣିଷର ପାଇଁ ଆନନ୍ଦ ଅମୃତ କ୍ରୋଧ ହୋଇଥାଏ ବିଷ,

ସମ୍ପର୍କ ଗଢ଼ିବା ପାଇଁ ମହୋଷଧି ରସାୟନ ମିଠାହସ ।

ଅହଂକାର ଏକ ବନ୍ଧୁକର ଗୁଳି ଦିଆସିଲି କାଠି ଈର୍ଷା,

ସ୍ନେହ ଶ୍ରଦ୍ଧା ପ୍ରେମ ବାଦଲ ସମାନ ଅନ୍ୟପାଇଁ କରେବର୍ଷା ।

ଜିଦ ଛୁରୀଟିଏ ସଂପର୍କକୁ କାଟେ ସ୍ୱାର୍ଥକହେ ଏକାମୁହିଁ,

ତ୍ୟାଗ ନଦୀଟିଏ ଦେଇଚାଲିଥାଏ କାହାକୁ କିଛି ନ କହି ।