ଭିନ୍ନକ୍ଷମ

ଆମରି ହାତରେ ଆମେ ଗଢ଼ିଦେବା

             ନୂଆ ସକାଳର ସପନ

ହସି ହସାଇବା ସାରା ଦୁନିଆକୁ

             ଉଜାଡ଼ି ଦେଇ ଏ ଜୀବନ

            ଆମେ ନୋହୁଁ ଅକ୍ଷମ

             ନୋହୁଁ ଭିନ୍ନକ୍ଷମ....

            ଆମେ ପରା ସବୁ ସକ୍ଷମ ... ।(୦)

ଏଇ ମାଟି ମାଆ ଦେଇଛି ଆମକୁ

             ଭଲ ପାଇବାର ଠିକଣା

ଦୁଃଖରେ ଜୀଇଁବା ଶିଖିଛିରେ ଯିଏ

             ପାଇଛି ତା ସୁଖ ପାଉଣା 

ଆମେ ତୋଳିଦେବୁ ଶତ କୋଣାରକ

              ଆସିଛି ଆଜି ଏ ଲଗନ

              ଆମେ ନୋହୁଁ ଅକ୍ଷମ

               ନୋହୁଁ ଭିନ୍ନକ୍ଷମ...

               ଆମେ ପରା ସବୁ ସକ୍ଷମ... । (୧)

ପାତିଦେବୁ ଛାତି ଏଇ ଦେଶ ପାଇଁ

             ରକତେ ଲେଖିବୁ କାହାଣୀ

ବାଣ୍ଟୁଥିବୁ ସ୍ନେହ, ମମତାର ମୂଲ

             ଆମେ ପରା ଭାଇ ଭଉଣୀ

ଆମେ ହେବୁ ଆଶା, ଭରସାର ସେତୁ

             ଛୁଇଁ ନୂଆ ନୂଆ ସୋପାନ

             ଆମେ ନୋହୁଁ ଅକ୍ଷମ

             ନୋହୁଁ ଭିନ୍ନକ୍ଷମ...

             ଆମେ ପରା ସବୁ ସକ୍ଷମ... । (୨)