ଭିଜାଇଲ ପୀରତିରେ

ଫଗୁଣର ମହକରେ ନିତି ସଞ୍ଜ ସକାଳରେ

ନାନାରଙ୍ଗୀ କୁସୁମରେ ସୁସଜ୍ଜିତ ସବାରିରେ

ଟିପି ଟିପି ଚନ୍ଦନରେ ବଧୂବେଶେ ଧୀରେଧୀରେ

ହୃଦୟର ଅଗଣାରେ ପହଞ୍ଚିଲ ପ୍ରେୟସୀରେ ।

ପାଉଁଜିର ମଧୁ ସୁରେ ହୃଦୟର ସ୍ପନ୍ଦନରେ

ଶିହରଣ ଭରିଲାରେ ହଜିଗଲି କ୍ଷଣିକରେ

ନିରୀହ ସେ ନୟନରେ ପ୍ରୀତିସୁଧା ସତେ ଝରେ

ବାନ୍ଧିହେଇଗଲି ଥରେ ଅଜାଣତେ ନୀରବରେ ।

ଚନ୍ଦ୍ର ପରି ବଦନରେ ସ୍ମିତହାସ୍ୟ ଓଠଧାରେ 

ମୃଦୁ ମନ୍ଦ ମଳୟରେ ଅମାନିଆ ପଣତରେ

ମୋ' ମନର ଇଲାକାରେ ଭ୍ରମୁଥିଲ ଆନନ୍ଦରେ

ଅପସରି ଭାବନାରେ ତୋଳିନେଲି ବକ୍ଷ ପରେ ।

ଅର୍ଦ୍ଧନିଶା ପ୍ରହରରେ ସପନର ପରଶରେ

ଲଜ୍ଜ୍ୟା ତେଜି କାମିନୀରେ ଭିଜାଇଲ ପୀରତିରେ ।