ଭାବ ତର୍ପଣ

ଦୀପ ପ୍ରଜ୍ଵଳନ ଅନ୍ଧାର ଚଳନ

ଅବଗୁଣ ସମର୍ପଣ,

କାମନା ଦହନ ଅଜ୍ଞାନ ମୋଚନ

ଅପକୀର୍ତ୍ତି ବିସର୍ଜନ ।

ଉଆଁସ ଗମନ, ଇନ୍ଦୁ ଆଗମନ

ଭାବନା ତିଳତର୍ପଣ,

ବଡୁଆ ପ୍ରସନ୍ନ,ଈଶ ସୁଦର୍ଶନ

କାମନା ଶାନ୍ତି ବସନ ।

ଜ୍ଞାନ ବିତରଣ,ମାନ ପ୍ରସାରଣ

ଜ୍ଞାନ ଦୀପ୍ତି ଉଜ୍ଜ୍ଵଳନ,

ମନ ଉତ୍ଥାନ ଗୁମାନ ହରଣ

ଜୀବନ ସୁଖ ସୋପାନ ।

ମାନ ଅଭିମାନ ,ପରଶ୍ରୀ ଜ୍ଵଳନ

ବୃଥା ଆତ୍ମଦହନ ,

ମିଷ୍ଟଭାଷଣ ସତସଙ୍ଗ ଗମନ

ମୋକ୍ଷର ମୂଳକାରଣ,

ଭାବନା ଦୂଷଣ କଣ୍ଟକିତ ମନ

ପୀଡାର ଦୁଃଖ ପାର୍ବଣ

ଭାବ ପ୍ରଦୂଷଣ କର୍କଶ ବାଣ

ପୀଢିକୁ ଘୋର କଷଣ ।