ସ୍ୱପ୍ନ ହୀରା....ଏକ ଭାବତାରା

ଇଂ ସଞ୍ଜୟ କୁମାର ପଣ୍ଡା

–--------------------------

ତୁ ସ୍ୱପ୍ନମୟୀ ତୁ ଲାସ୍ୟମୟୀ

ଜୀବନର ପ୍ରୀତିଧାରା,

ତୁସ୍ନେହମୟୀ ତୁ ଭାବମୟୀ

ଭାବନାର ସ୍ୱପ୍ନହୀରା ।

ମୁଁ ଅପାଣ୍ଡୁକ କର୍କଶ କଦର୍ଥ

ଜୀବନର ପତ୍ରଝଡା,

ମୁଁ ଅକର୍ମକ ନିକୃଷ୍ଟ ନିରର୍ଥ

କଳାସ୍ୱପ୍ନର ଜଡ ।

ତୁ ଶାନ୍ତିମୟୀ ଭବ୍ୟ ଶୁଭ୍ରମୟୀ

ଆଶାର ଆଲୋକ ତାରା,

ତୁ କୃପାମୟୀ ଲଭ୍ୟ ·ରୁମୟୀ

ଉତ୍ସାହର ସ୍ୱପ୍ନ ସୁରା ।

ମୁଁ ଅପଦାର୍ଥ ଅସିତ ଅଶିଷ୍ଟ

ନିରାଶାର କେନ୍ଦ୍ରବିନ୍ଦୁ,

ମୁଁ ଭାବବ୍ୟର୍ଥ ଅସିଦ୍ଧ ଅମିଷ୍ଟ

ଉଆଁସ ଭଟ୍ଟାର ସିନ୍ଧୁ ।

ତୁ ଶ୍ୟାମାମୟୀ ତୁ ମାତୃମୟୀ

ପ୍ରେମଅର୍ଘ୍ୟର ଥାଳି,

ତୁ କାମାମୟୀ ତୁ ତୁଷ୍ଟମୟୀ

ପୂଣ୍ୟ ସ୍ୱପ୍ନରମାଳି ।

ମୁଁ କଦାକାର ନିରାଶା ପ୍ରସ୍ତର

ବିରହର ତୀକ୍ଷ୍ଣ ଶୁଳୀ,

ମୁଁ ଅନାଚାର ଅବିବେକି କ୍ରୁର

ସପନର ଭଗ୍ନ ତୁଳୀ ।

ତୁ ଋତୁମୟୀ ତୁ ଗୀତିମୟୀ

ଭାବନାର ମଧୁଶାଳା,

ତୁ କାନ୍ତିମୟୀ ତୁ ରତିମୟୀ

କାମନାରସ୍ୱପ୍ନଶାଳା ।

ମୁଁ ଅପ୍ରେମିକ ପ୍ରତାରଣା ଉତ୍ସ

ଅଶାନ୍ତ ଆଗ୍ନେୟଗିରି,

ମୁଁଅରତିକ ଅରଣା ଗୁଚ୍ଛ

ଅନନ୍ତ ନର୍କପୁରୀ ।

_________________

ନୀଳଚକ୍ର,

ବୌଦ୍ଧ

ମୁଖ୍ୟ ସମ୍ପାଦଜ - ବୌଦ୍ଧଚକ୍ର

ମୋ.- ୯୪୩୭୦୭୯୦୯୯