ବାଳୁତ ଭାବ-ଏକ ଶିଶୁ ପର୍ବ
ବାଳୁତ ଭାବ-ଏକ ଶିଶୁ ପର୍ବ
ଜୀବନ ଜଞ୍ଜାଳେ ମୈତ୍ରୀ ପ୍ରେମ ନେଇ
ଶାନ୍ତି ଦୂତ ହେବା ଦେଖ
ଦୁ୍ଃଖର ଆଞ୍ଜୁଳେ ସୁଖ ପ୍ରାପ୍ତି ପାଇଁ
ଶିଶୁବନ୍ତ ହେବା ଶିଖ ।
ସାଙ୍ଗ ସାଥୀମେଳେ ବାଚଳାମି କାଳେ
ଚପଳତା ମନେ ପକ
ଗୃହସ୍ଥ କବଳେ ସୁନାମୀ କରାଳେ
ମସ୍ତକ ନତ ରଖ ।
ବାଳୁତ କାଳେ କପଟ ଶୂନ୍ୟତା
ଖୋଲା ହୃଦୟ ଦେଖ
ସ୍ବଜନ ମେଳେ ସମ୍ପର୍କ ବଦ୍ଧତା
ପ୍ରେମ ବଳୟ ସୁଖ ।
ପୀଡା ପରବେ ସାଥୀର ପରଶେ
ଲାଘବ ସୂତ୍ର ଶିଖ
ସୁଖ ଉତ୍ସବେ ପ୍ରେମର ପରଷା
ବାନ୍ଧବ ପତ୍ରେ ରଖ ।
ଭୁଲ୍ ଠିକ୍ ଭୁଲି ଗିରିବର ସମ
ସ୍ବଜନ ପାର୍ଶ୍ଵେ ଉଠ
ସ୍ନେହାଶୀଷ ବୋଳି ପ୍ରେମବର ସମ
ପରିଜନେ ଉପବିଷ୍ଟ ।
ସୁଖୀହେବା ପାଇଁ ନିର୍ଦ୍ଦୟ ବଣେ
ଶିଶୁ ପ୍ରାଣକୁ ଖୋଜ
ଶିଶୁ ହେବା ପାଇଁ ପ୍ରେମାଳୟ କୋଣେ
ପ୍ରସୂ ମନକୁ ହେଜ ।