ବଗ-ବଗୁଲୀ
ବଗ-ବଗୁଲୀ




ନୀଳ ଆକାଶେ ଦରିଆ ପାଶେ
ବଗ-ବଗୁଲୀ ଦୁଇ
ଯାଆନ୍ତି ଉଡି ଡେଣାକୁ ଝାଡ଼ି
ଖୁସିରେ ଗୀତ ଗାଇ ll
ପଶ୍ଚିମ ଦିଗେ ଗଲେଣି ରବି
ସଞ୍ଜ ଆସଇ ନଇଁ
ବଗୁଲୀ କହେ ବଗକୁ ଡାକି
ସଅଳ ଚାଲ ଧାଇଁ ll
ଧରିବା ମୀନ ଦରିଆ କୂଳେ
ବେଳ ଯାଉଛି ଗଡି
କଳା ହାଣ୍ଡିଆ ମେଘ ଆକାଶେ
ଆସୁଛି ଦେଖ ମାଡି ll
ବଗୁଲୀ କଥା ଶୁଣିଣ ବଗ
ଝାଡ଼ଇ ତା'ର ପର
ବାଟ ଅନ୍ଧାର ହେଲାଣି ଦେଖି
ହୁଅଇ ତର ତର ll
ଧରିଲେ ମୀନ ଦରିଆ କୂଳୁ
ବଗ-ବଗୁଲୀ ଦୁଇ
ବେଳ ସରିକି ଧରିଲେ ଘର
ଖୁସିରେ ସାଙ୍ଗ ହୋଇ ll