ବେଳୁ ହେବା ସାବଧାନ
ବେଳୁ ହେବା ସାବଧାନ
ପରିବେଶ ଆଜି ରୁଗ୍ଣ ହୋଇଅଛି
ଅବିବେକୀ ଜନ ପାଇଁ ,
ଜଳ ଓ ଜଙ୍ଗଲ ମାନବ ସମ୍ବଳ
ଏକଥା ଚିନ୍ତଇ ନାହିଁ ।
ସ୍ବାର୍ଥ ଲାଗି ସବୁ ସଫା କରୁଅଛି
ସଡ଼କ ଓ କୋଠା ପାଇଁ ,
ଅଙ୍ଗାରକାମ୍ଳ'ଟି ବାୟୁରେ ବଢୁଛି
ରକ୍ଷା ନାହିଁ ରକ୍ଷା ନାହିଁ ।
ପ୍ଲାଷ୍ଟିକ ଯେବେଠୁ ବ୍ୟବହାର କଲା
ବିଷ ଭରିଲା ଜଗତେ ,
କେତେ ପଶୁଙ୍କର ଜୀବନ ଯାଉଛି
କିଏ'ବା ଭାବୁଛି ସତେ ?
କଳ , କାରଖାନା , ବିଷାକ୍ତ ଦରବ
ନିଷ୍କାସିତ ହୁଏ ଜଳେ ,
ବ୍ୟବହୃତ ସେହି ଜଳ ସମ୍ପଦରେ
କ୍ୟାନ୍ସର ରୋଗ ଟି ମିଳେ।
ଲାଗିପଡ଼ ତୁମେ କିଶୋର କଳିକା
ଶୁଖିଲାଣି ଜଳସ୍ତର ,
ଜଳ ଓ ଜୀବନ ସମ୍ପଦ ସୁରକ୍ଷା
ପଡ଼ିଲାଣି ଦରକାର ।
ନିଜର ଗୋଡ଼ରେ ନିଜେ କୁରାଢିଟି
ମଣିଷ ମାରୁଛି ବସି ,
ବେଳୁ ସାବଧାନ ନ'ହୋଇଲେ ପିଲେ
ହଜିଯିବ ହସ , ଖୁସି ।