ବଦଳିଗଲାଣି ପରିଚୟ

ପାଲିଙ୍କିରେ ବସି ଯାଉନାହିଁ ବର

ଚାଲୁନି ସବାରୀ ଧୀରେ ଧୀରେ

କାନ୍ଦୁ ନାହିଁ ଝିଅ ଦଉଡ଼ି ଦଉଡ଼ି

ବାପଘରୁ ଯାଏ ଶାଶୁଘରେ ।

ଦେଉନି ଓଢ଼ଣୀ ଲୁଚାଉନି ମୁହଁ

ହେଉଛି ମଣ୍ଡପ ସାଜସଜ୍ଜା

ଉପହାର ଧରି ଆସନ୍ତି ଅତିଥି

ଜମେ ଭୋଜିଭାତ ବ୍ୟାଣ୍ଡ ବାଜା ।

ତର ନାହିଁ ଆଉ ଉଚ୍ଚ ଶିକ୍ଷିତାଙ୍କୁ

କୁଳ ଭୂଆସୁଣୀ ହେବା ପାଇଁ

ଶାଶୂ ଓ ଶ୍ୱଶୁର ଦିଅର ନଣନ୍ଦ

ଏତେ ସପନକୁ ରାତି ନାହିଁ ।

ସେବା ତ୍ୟାଗ ଭକ୍ତି ଆଦର୍ଶ ସ୍ୱଭାବ

ଭରସା ଆତ୍ମ ବିଶ୍ୱାସ

ମଣିଷ ସମାଜେ ହେଉଛି ବିରଳ

ବାଳବୃଦ୍ଧ ହୁଏ ହାହୁତାଶ ।

ବଦଳି ଗଲାଣି ପରିବାର ସଂଜ୍ଞା

ନାମମାତ୍ର ଶୁଭ ପରିଣୟ

ମାତ୍ର ପତିପତ୍ନୀ ଆତ୍ମସୁଖ ସ୍ୱ।ର୍ଥ

ଏହି ପରିବାର ପରିଚୟ ।

ଅନ୍ଧ ଭାବେ ସର୍ବେ ଧାବନ୍ତି ପାଶ୍ଚାତ୍ୟେ

ସାଂସ୍କୃତିକ ଘୋର ଅବକ୍ଷୟ

ବଦଳି ଗଲାଣି ସମାଜ ଚଳନୀ

ବଦଳିଗଲାଣି ପରିଚୟ ।