ବାରମାସୀ ଗେଣ୍ଡୁ

ସ୍ୱତନ୍ତ୍ରତା!!

ଆଉ କଣ ଅଛି?

ବାଳୁତ ଜ୍ଞାନୀ ଏଠି

ବୟସ୍କ ମୂର୍ଖ ହେଉଛି ।

କଅଁଳା ବାଛୁରୀ

ମୁହୂର୍ତ୍ତକରେ କୁଦି ଯାଏ

ଅଧୁନିକବାଦ ଦ୍ୱାହି ଦେଇ

ଶୈଶବ ଆଜି ମୁକ୍ତ ହୁଏ ।

ଚର୍ତୁର୍ବଗ ଆଶ୍ରମ

ଲାଗେ କଥା ପୁରାତନ

ବାଲ୍ୟେ ଯୌବନ ଅଛି

ଅବା ବାର୍ଦ୍ଧକ୍ୟ କାମ ସନ୍ଧାନ ।

ଅବସରେ ଖୋଜେ ନୂତନ କର୍ମ

ବାଳୁତେ ଚେଷ୍ଟା ହୁଏ ରୋଜଗାର

କର୍ମକ୍ଷମ ଖୋଜେ ଅବସର ହାଏ

ବୟସେ ନାହିଁ ବାଛ ବିଚାର ।

ନାରୀ ନର ସାଜି ଉଗ୍ରରୂପ ନିଏ

ନର ସାଜେ ନାରୀ ଉଦର ଜ୍ଵାଳାରେ

ପରିବାରେ ସୁଖ ଧନର ଅଧୀନ

ଧର୍ମ ଆଜି ନୁହେଁ ଜୀବନ ପ୍ରମାଣ ।

ପ୍ରକୃତି ବୟସ କିଛି ସୀମା ନାହିଁ

ସବୁ ଏଠି ହୁଏ କ୍ଷଣକେ ଆନ

ମିଳିଥାଏ ସବୁ ସବୁବେଳେ ଦେଖ

ସ୍ଵତନ୍ତ୍ର ନାହି କାହାର ସ୍ଥାନ ।