ବାପାଙ୍କ ମାଟି ଘର (କାଦମ୍ବରୀ ମହାଖୁଡ଼)

ଶୂନ୍ୟତାର ହୃଦୟରେ

ପୂର୍ଣ୍ଣତାର ସ୍ନେହ ବୋଳା ଘରଟି

ପରିଶ୍ରମର ଝାଳରେ

ଘୋଡାଇ ରଖେ ଆଶାର ଛପରଟି ।।

ଏ ବାପାଙ୍କ ତିଆରି ମାଟି ଘରଟି

ବର୍ଷା ବିତ୍ପାତ କୁ ନଥାଏ ଡର

ମାଟିରେ ତିଆରି ବାରଣ୍ଡା ତାର

ମାଟି ଇଟା ସାଥେ କାନ୍ଥ ମାଟିର 

ଚିକ୍କଣ ଦିଶେକି ଲିପି ଗୋବର

ଏ ବାପାଙ୍କ ତିଆରି ମାଟିର ଘର ।।

କମ ରୋଜଗାରେ

ମେଞ୍ଚାଏ ଖୁସି

କମ ଜାଗାରେ

ଖାଉ ଏକାଠି ବସି ।।

ଆଉ ନାହିଁ ଏଠି ମାଟିର ଘର

ନାହିଁ ତା ବାସ୍ନା

ନାହିଁ ଜହ୍ନର ଅଗଣା

ନାହିଁ ହେନା ର ବାସ୍ନା

ମାଟି ଘରେ ଥାଏ

ଆଶାର କିରଣ ସ୍ନେହର ବାସ୍ନା ।।

ଏ ମାଟି ଘର

ସ୍ୱାଭିମାନ ଯେତେ

ମୋ ବାପାଙ୍କର

ସେ ସନ୍ତାନ କୁହନ୍ତି

ମାଟି ଘରର ।।

ସତେ ମାଟିଘର ନୁହେଁ

ଶାନ୍ତି ହୃଦୟ ପୂର୍ଣ୍ଣତାର 

ଏ ବାପା ଙ୍କ ତିଆରି ମାଟିର ଘର