ବାପା

ଓଷ୍ଠଧାରେ ଫୁଟୁଥାଏ ସଦା ସ୍ମିତହାସ,

ଦୁଃଖ ଦୁର୍ଦ୍ଦିନରେ ତୁମେ ନ ହୁଅ ଉଦାସ l

ସତ୍ କର୍ମେ ତୁମର ଅଖଣ୍ଡ ବିଶ୍ୱାସ

ଆମ ଲାଗି ଅସୀମ ପ୍ରେରଣାର ଉତ୍ସ l

ତୁମ ପାଶେ ଊଣା ସବୁ ଶବ୍ଦ କୋଷ!!

ସୁଶୋଭିତ ସାବଜା ଶ୍ୟାମଳ ବଟବୃକ୍ଷ l

ସୁରକ୍ଷାର ଅଭେଦ୍ୟ ଅଟଳ କବଚ

ତୁମ ଆଗେ ଏଇ ଆକାଶ ଅନୁଚ୍ଚ l

ତୁମ ମନ ସ୍ପଟିକ ପରାଏ ସ୍ଵଚ୍ଛ

ତୁମ ବିନା ଏ ଜୀବନ ନିରର୍ଥକ ତୁଚ୍ଛ !!

ଗିରିରାଜ ହିମାଳୟ ସମ ଉତ୍ତୁଙ୍ଗ ବ୍ୟକ୍ତିତ୍ବ

ତୁମ ଲାଗି ଆମ ପ୍ରତିଷ୍ଠା ଅସ୍ମିତା ଅସ୍ତିତ୍ବ l

ତବ ଆଶିଷେ ହୋଇଛୁ ପଞ୍ଚଭୂତରୁ ମଣିଷ

ପିତା ଧର୍ମ ପିତା ସ୍ବର୍ଗ ପିତା ହିଁ ପରମ ପୁରୁଷ l

ତୁମ୍ଭ ଚରଣ ଯୁଗଳେ ସଦା ନତ ଅମ ଶୀର୍ଷ !!