ବାଳିକା ଶିଶୁ

ଶିଶୁ  ତ ଶିଶୁ ବାଳିକା ଶିଶୁ

                ଦେଶର ଭବିଷ୍ୟତ  ଅଟନ୍ତି

ଆଜିର  ଶିଶୁ  ଆସନ୍ତା କାଲିର

                ନାଗରିକ  ସମସ୍ତେ   ହୁଅନ୍ତି l

କଲେ  ଯତନ  ହେବ  ରତନ

                ଯେତେ ରତ୍ନ  ଠାରୁ  ମୂଲ୍ୟବାନ,

ଶାମୁକା  ଭିତରେ   ମୋତି  ପରି

                କୋଇଲାରେ  ହୀରାର  ସନ୍ଧାନ  l

ସେ ପରା  ଗୃହର  ଗୃହ ଲଷ୍ମୀ

               ତା' ବିନା  ଲାଗେ  ସବୁ  ଶ୍ରୀହୀନ ,

ଆକାଶେ  ଚାନ୍ଦ  ଦିଶିଲା  ପରି

               ଅମାବାସ୍ୟାରେ  ଦିଶେ  ମଳିନ  l

କେଉଁ ଜନ୍ମେ ପୂଣ୍ୟ କରିଥିଲେ

               ଭାଗ୍ୟରେ  ମିଳେ  ଏହି  ସନ୍ତାନ,

ପିତା ମାତା  ଯେ  ଧନ୍ୟ  ହୁଅନ୍ତି

              ସାର୍ଥକ   ହୁଏ  ତାଙ୍କ   ଜୀବନ l

ସରକାରଙ୍କ  ଯେତେ  ଯୋଜନା

                      ସବୁ  ଶିଶୁଙ୍କ  ଉନ୍ନତି  ପାଇଁ,

ପରି , ଗେଲ୍ହା ଝିଅ , ସୁକନ୍ୟା ଯେ

             ସବୁ  କାର୍ଯକାରୀ  ଅଛି  ହୋଇ l