ବାକ୍ଯଦେବୀ ସରସ୍ଵତୀ

ବାକ୍ଯଦେବୀ ସରସ୍ଵତୀ ମରାଳ ବାହିନୀ

ପୟରେ ନମୁଛି ତବ ମା ଜଗଜ୍ଜନନୀ ।

ମା ଗୋ ନିଶାକରମୁଖୀ ଚନ୍ଦ୍ରାର୍ଦ୍ଧ ଶେଖରୀ

ଅକ୍ଷମାଳା ମଣିମୟ କଳସ ତୁମରି ।

ଆବର ପୁସ୍ତକ ବୀଣା କରେ ପାଏ ଶୋଭା

ଦିବ୍ଯ ପୁଲକ ଜାଗ୍ରତ ହୁଏ ଦେଖି ଆଭା ।

କୁନ୍ଦ ମଲ୍ଲୀ ଆଦି ଶ୍ୱେତ ପୁଷ୍ପ ଶୋହେ ଗଳେ

ଶ୍ୱେତବସ୍ତ୍ର ପରିଧାନ ତୁମ ସଦାକାଳେ ।

ଦିବ୍ଯ ଆଭରଣ ଅଙ୍ଗେ ହୋଇଛି ଜଡିତ 

ତବ ଦରଶନେ ତନୁ ମନ ପ୍ରଫୁଲ୍ଲିତ  ।

ବ୍ରହ୍ମା ବରୁଣ ଇନ୍ଦ୍ର ରୁଦ୍ର ମରୁତଗଣ 

ବନ୍ଦନା କରନ୍ତି କରି ଦିବ୍ଯ ସ୍ତବ ଗାନ ।

ତବ କୃପା ବଳେ ମୂକ ବାଚାଳ ହୁଅଇ

କୃପା କରିଥିବ ମାତ ଆଗୋ କୃପାମୟୀ ।

ତବ କୃପା ବଳେ ମାତ ମୂର୍ଖ କାଳିଦାସ 

ମହାକବି ହେଲେ ଲୋକେ ରହିଛି ବିଶ୍ୱାସ ।

ଅଠରଖଣ୍ଡ ଭାରତ କରିଲେ ରଚନା

ତବ କୃପା ବଳରେ ସାରଳା ଦାସ ସିନା ।

ବାଗ୍ଦେବୀ ଜନନୀ କାବ୍ୟକଳା ଠାକୁରାଣୀ

ବ୍ରହ୍ମମଣ୍ଡଳ ବାସିନୀ ବିଷ୍ଣୁଙ୍କ ଘରଣୀ ।

ବୀଣା ବାଦନ ନିରତା ସଦା ଜଗନ୍ମାତ 

ଚରଣକମଳେ ତବ ମୁଁ ଶରଣାଗତ ।

ମାଘ ମାସ ଶୁକ୍ଳପକ୍ଷ ପଞ୍ଚମୀ ତିଥିରେ

ପୂଜନ ହୁଅଇ ତବ ବୈଦିକ ବିିଧିରେ ।

ସବୁ ହୃଦୟରୁ ପୋଛି ଅବିଦ୍ୟା ଅଜ୍ଞାନ

ଭରିିଦିିଅ ମାତା କୃୃପାମୟୀ ଦିବ୍ୟଜ୍ଞାନ ।