ବାଘା ଯତୀନ
ବାଘା ଯତୀନ
ପଶ୍ଚିମବଙ୍ଗର ନଦିଆ ଜିଲ୍ଲାରେ
ଜନ୍ମ ଲଭି ଏକ ଶିଶୁ
ଅପୂର୍ବ ସାହସ ଅସୀମ ଧୈର୍ଯ୍ୟରେ
ଚହଟିଲା ଦଶଦିଶୁ ।
ପିତୃମାତୃ ଦତ୍ତ ନାମ ଯେ ତାହାରି
ଯତୀନ୍ଦ୍ର ନାଥ ମୁଖାର୍ଜୀ
ବିଭୁଷିତ ହେଲେ ବାଘାଯତୀନରେ
ଗାରିମାମୟ ଉପାଧି ।
ସମର୍କୀୟ ଭାଇ ସଂଗେ ଯାଇଥିଲେ
ପାର୍ଶ୍ୱ ଗ୍ରାମ ଭ୍ରମଣରେ
ଭ୍ରମଣ କାଳରେ ନିକଟ ବଣକୁ
ପ୍ରବେଶିଲେ ଧୀରେଧୀରେ ।
ହଠାତ କେମିତି ମହାବଳ ବାଘ
ଝପଟି ଆସିଲା ଖରେ
ସେବନ୍ଧୁ ଜଣଙ୍କ ଗ୍ରାମକୁ ଦୌଡିଲେ
ଲୋକଙ୍କୁ ଡାକିବା ନାଁରେ ।
ବାଘସାଥେ ସିଏ ଏକା ଲଢୁଥିଲା
ଛୁରୀଟିଏ ହାତେ ଧରି
ଅପୂର୍ଵ ସାହସ ଶକତି ଆଗରେ
ମହାବଳ ଗଲା ମରି ।
ସେଥିପାଇଁ ସିଏ ଆଦର ଲଭିଲେ
ବାଘାଯତୀନ ନାମରେ
ଇଂରେଜ ଶାସନ କରି ଥରହର
ଅମର ଏହି ମହୀରେ ।
ନିଜପାଇଁ କିଛି କରିପାରିଲେନି
କେତେଯେ ତ୍ୟାଗ ମହାନ
ସଚ୍ଚା ଦେଶପ୍ରେମୀ ନାହିଁ ପଟାନ୍ତର
କରିବା ସର୍ବେ ପ୍ରଣାମ।