ଅଠାକାଠି
ଅଠାକାଠି
ଅଠାକାଠି ଅଛି ଖଞ୍ଜା ନିବୁଜ ପିଞ୍ଜରା ବେଢା
ଖେଳୁଛି ଓଲଟ ହ°ସ ଜୀବନ ପ୍ରାଣ,
ଅଶରିରୀ ସେ ଅଦୃଶ୍ୟ ଚଳାଏ ଶରୀର ରଥ
ଘଟେ ଘଟେ ବିଦ୍ୟମାନ ସଚ୍ଚିଦାନନ୍ଦ ।
ସୃଷ୍ଟି ସତ୍ୟ ସନାତନ ଜୀବନ ଅମୃତ କଣ
ସ୍ଥାବର ଜଙ୍ଗମ ପ୍ରାଣୀ କୀଟ ତରୁଲତା,
ଉଦ୍ଭାସଇ ପଞ୍ଚତତ୍ତ୍ୱ ଜ୍ୟୋତିଦୀପ୍ତ ବ୍ରହ୍ମସତ୍ୟ
ସୁପଥେ ମିଳଇ ମୁକ୍ତି ଉତ୍ତରଇ ଆତ୍ମା ।
ଅରଜିଲେ ଯେତେ ବିଦ୍ୟା ମଣିଷ ଲଗାମ ଛଡା
ଅହଙ୍କାର ପ୍ରଦୂଷଣ ବିନାଶ କାରଣ
ଅନ୍ୟାୟ ଅନୀତି ଘୋର କଳାଧଳା ଘୋଡା ଦୈ।ଡ଼
ନିବାର ଜଗତ ନାଥ କର ପରିତ୍ରାଣ ।
ନୀଳାଚଳ ନୀଳକନ୍ଦେ ବସି ରତ୍ନ ସି°ହାସନେ
ପରମାତ୍ମା ଜଗନ୍ନାଥ ଶ୍ରୀପୁରୁଷୋତ୍ତମ
ଦିଅ ଦିବ୍ୟ ଦରଶନ ହସ୍ତେ ଧରି ସୁଦର୍ଶନ
ପ୍ରକାଶ କଳକୀରୂପ ନାଶ କଷଣ ।