Library
Profile
ଅତିଥି
ଅତିଥି
ଅତିଥି ଆମର ଦେବତା ସ୍ୱରୂପ
ସ୍ୱାଗତ କରୁ ସତ୍କାରେ,
ଆମରି ସଂସ୍କୃତି ଆମରି ସଂସ୍କାର
ଏ ଶିକ୍ଷା ପ୍ରଦାନ କରେ l
ସଂସ୍କୃତି ସମ୍ପନ୍ନ ଆମରି ଦେଶଟି
ବିଦେଶୀ ଲୋକଙ୍କୁ ସଦା,
ଅତିଥି ପରାଏ ସନମାନ ଦିଏ
ଯୋଗାଇ କେତେ ସୁବିଧା l
ଦରିଦ୍ର ସୁଦାମା ହୋଇଲେ ଅତିଥି
ବାଲ୍ୟ ବନ୍ଧୁ କୃଷ୍ଣ ଦ୍ୱାରେ,
ଆସନେ ବସାଇ ପାଦ ଧୋଇ ଥିଲେ
ଦ୍ୱାରକାଧିଶ ସ୍ନେହରେ l
ବିଦୁରଙ୍କ ଘରେ ଅତିଥି ସାଜିଲେ
ଦିନେ କୃଷ୍ଣ ଭଗବାନ,
ଭାବ ଭକ୍ତି ଦେଖି ଶାଗ ପଖାଳକୁ
କଲେ ସ୍ନେହରେ ଭୋଜନ l
ଶିବାଜୀଙ୍କ ଦ୍ୱାରେ ଅତିଥି ସାଜିଲେ
ଥରେ ଗୁରୁ ରାମଦାସ,
ରାଜବେଶ ତେଜି ଭିକ୍ଷା ମାଗିଆଣି
ପୂରାଇଲେ ତାଙ୍କ ଆଶ l
ଅତିଥି ଙ୍କୁ ହତାଦର କରି ଶକୁନ୍ତଳା
ପାଇଥିଲେଶାପ ସେହି,
ଅତିଥି ସତ୍କାର କରି କୁନ୍ତୀ ରାଣୀ
ପୁତ୍ର ମାତା ଥିଲେ ହୋଇ l
ପୁରାଣ ର ଠାରୁ ଇତିହାସ ଯାଏଁ
ଅତିଥି ଙ୍କ ସେବା କରି,
କେତେଆଶିଷ ଲଭିଯାଇଛନ୍ତି
କଳନାନାହିଁ ତାହାରି l
ଅତିଥି ଙ୍କ ସେବା ଯାଏ ନାହିଁ ବ୍ୟର୍ଥ
ସାକ୍ଷାତ ଦେବତା ସିଏ,
ପରୀକ୍ଷା କରିବା ନିମନ୍ତେ ଆସନ୍ତି
ଅତିଥି ର ପରି ଚୟେ l
ଘରକୁ ଅତିଥି ଆସିଗଲେ କେହି
କରିବା ସଦା ସମ୍ମାନ,
ଆମଠାରୁ ଶିଖି ପର ପୀଢ଼ି ଆମ
ଶିଖିବେ ଆଦର୍ଶ ଗୁଣ ll
