ଅଫେରା ଗୀତ

ଫେରି ମୁଁ ଯାଉଛି

ଅଜଣା ରାଇଜେ

ଖୋଜିବନି ଆଉ କେବେ

ତୁମ ଦୁନିଆରେ

ନାହିଁ  ଆଉ ମୋର

ଆବଶ୍ୟକ କିଛି ଏବେ.

ଏକା ଆସିଥିଲି

ଏକା ଯିବି ଚାଲି

କରିବିନି ଅଭିମାନ

ପାଇଥିଲି କେତେ

ହରିଦେଲି କେତେ

ହିସାବ  ଖୋଜିନି ମନ.

ହସି ହସି ଏଠି

ଚାଲିଯିବି ବନ୍ଧୁ

ସମ୍ପର୍କ ର  ସେତୁ ଡେଇଁ

ଆଉ ଫେରିବିନି

ତୁମ ଦୁନିଆକୁ

ତୁମ ମନେ କଷ୍ଟ ଦେଇ.

ଆଉ ନାହିଁ ମନେ

କିଛି ଅଭିଯୋଗ

ଅଭିମାନ କିଛି ନାହିଁ

ଯାହା ଦେଇଥିଲ

ହସ ଅବା ଲୁହ

ସାଇତିଛି ହୃଦେ ମୁହିଁ.

ପାଇବାର କିଛି

ଆଶା ମୁଁ ରଖିନି

କିସ ବା ପାରିବ ଦେଇ

ଜୀବନ ଯନ୍ତ୍ରଣା

ସହିଯିବି ସବୁ

ଅଭିନେତ୍ରୀ ସାଜି ମୁହିଁ.